މީދޫން ރައީސް ސޯލިހުއަށް ދެއްވާ ތާއިދަށް ރައީސް ސޯލިހު ވަރަށް ބޮޑަށް ޝުކުރު އަދާކުރައްވައިފި

މީދޫން ރައީސް ސޯލިހުއަށް ދެއްވާ ތާއިދަށް ރައީސް ސޯލިހު ވަރަށް ބޮޑަށް ޝުކުރު އަދާކުރައްވައިފިއެވެ.

ރައީސް ސޯލިހު މިގޮތައް ޝުކުރު އަދާކޮށްފައިވަނީ މިއަދު މީދުއަށް ވަޑައިގެން މީދޫގައި ބޭއްވި ބައްދަލު ވުމެއްގައި ވާހަކަފުޅު ދައްކަވަމުންނެވެ.

ރިޔާސީ ޕްރައިމަރީގައިވެސް މީދުއަކީ އެމަނިކުފާނަށް އެންމެ ރަނގަޅު ނަތީޖާއެއް ލިބުނު އެއްރަށްކަމަށާ ހަމައެގޮތައް ހޮނިހިރު ދުވަހު ބާއްވާ އިންތިހާބުގައި ވެސް އެކަން ތަކުރާރު ކޮށްދެއްވުމަށް ރައީސް ސޯލިހު އެދިވަޑައިގެންނެވިއެވެ.

މިބައްދަލުވުމުގައި އިތުރަށް ވާހަކަފުޅު ދައްކަވަމުން ރައީސް ސޯލިހު ވިދާޅުވީ ހުޅުދޫ އަދި މީދޫ އަށް ލާމަރުކަޒީ ނިޒާމުގެ ތެރެއިން އިތުރު ބާރުތަކާއި ފުރުސަތުތައް ހޯދައިދެއްވައި، މާ އުފާވެރި ދުވަސްތަކެއް ގެނެސް ދެއްވާނެ ކަމަށް ވިދާޅުވިއެވެ.

ރައީސް ވިދާޅުވީ މީދު އާއި ހުޅުދުއަކީ ވަކިން އޮންނަ ދެ ރަށް ކަމަށް ވާއިރު އިދާރީ ހިދުމަތްތައް ދެ ރަށުން ލިބެންޖެހޭނެ ކަމަށާއި އެކަން ސިޓީ ކައުންސިލުން ދޫކޮށްލަން ޖެހޭ ކަމަށެވެ.

ރައީސް މިއަދު މީދު އަށް ވަޑައިގަތުމުން ހޫނު މަރުހަބާއެއް ދަންވާފައިވާއިރު ރައީސަށް މަރުހަބާ ދެންނެވުމަށް ބޭއްވުނު ރަސްމިއްޔާތު ބޭއްވިފައިވަނީ މީދޫ ގަޑޮވަރޮފަންނުގައެވެ.