ބުރުގާ އެޅުމުގެ ސްޓައިލާ ގުޅިގެން އެތައް ބައެއްގެ ފާޑުކިޔުން އަމާޒުވެފައިވާ މަޝްހޫރު ލަވަކިޔުންތެރިޔާ، މަރިޔަމް އަޝްފާ، ރަސްމީކޮށް ބުރުގާ ބާލައިފިއެވެ.
އަޝްފާ ވަނީ ރަސްމީކޮށް ބުރުގާ ބޭލިކަން “އީވަގުތު” އަށް ކަށަވަރުކޮށްދީފައެވެ. އެހެންނަމަވެސް، އެކަމާ ގުޅިގެން އެއްވެސް ކޮމެންޓެއް ކުރަން ބޭނުންނުވާކަމަށް އޭނާވަނީ ބުނެފައެވެ.
އޭނާ ބުރުގީ ބޭލީ އަމިއްލަ އިހުތިޔާރުގައިތޯ ނުވަތަ ބަޔަކު ބުނެގެންތޯ ސުވާލުކުރުމުން އޭނާ ބުނެފައިވަނީ އެކަމާ ގުޅިގެން އެއްވެސް ބަޔަކަށް މައުލޫމާތު ދޭން ބޭނުންނުވާކަމަށެވެ.
އަޝްފާ ބުރުގާ ބޭލިކަން ކަށަވަރުވެފައިވާއިރު މީގެކުރިން މީޑިޔާއަކަށް ދިން ބަސްދީގަތުމެއްގައި އޭނާ ބުނެފައިވަނީ ބުރުގާ ބޭލުމުގެ އެއްވެސް ޚިޔާލެއް ނެތްކަމަށާއި ބުރުގާ ބާލަފާނެހެންވެސް ހީނުވާކަމަށެވެ.
މިއުޒިކް ޝޯވ ތަކާއި އެވޯރޑް ޚަފްލާތައް އަދި އެނޫންވެސް އާއްމު ޚަފްލާތަކުގައި އަޝްފާގެ ހެދުން އެޅުމާއި ބުރުގާގެ ސްޓައިލަށް އެތައް ބައެއްގެ ފާޑުކިޔުން އަމާޒުވެއެވެ. އެހެންނަމަވެސް، އެކަންކަމަށް އެއްވެސް ފަރުވާލެއް ނުބަހައްޓާކަމަށް އަޝްފާވަނީ މީގެކުރިންވެސް ބުނެފައެވެ.
އަޝްފާއަކީ ރާއްޖޭގައި އުފެދުނު އެންމެ މަޝްހޫރު އެއް ލަވަކިޔުންތެރިޔާ، މުޙައްމަދު އަބްދުލް ޣަނީ (ތޭރަވާ) ގެ އަންހެނުންނެވެ. އަޝްފާވަނީ ގިނަ ޝޯވ ތަކަކަށާއި ބައެއް ފިލްމުތަކަށްވެސް ލަވަ ކިޔައިދީފައެވެ.
ކޮމެންޓްސް (0)