އެކުވެރިކަމުގެ ވޮލީމެޗުން ބަލިވީ މީދޫ ވޮލީޓީމް

އައްޑޫސިޓީގެ ގުޅިފައިވާ ރަށްތަކުގެ ކުޅުންތެރީން ހިމެނޭ ޓީމަކާ މީދޫ ޓީމަކާ ދެމެދު ކުޅެވުނު އެކުވެރިކަމުގެ ވޮލީ މެޗު ގުޅިފައިވާ ރަށްތަކުގެ ކުޅުންތެރީން ހިމެނޭ ޓީމް ކާމިޔާބުކޮށްފިއެވެ.

މީދޫ އިޖްތިމާއީމަރުކަޒުގެ ވޮލީ ކޯޓްގައި ކުޅެވުނު މިމެޗް ގުޅިފައިވާ ރަށްތަކުގެ ކުޅުންތެރީން ހިމެނޭޓީމް ކާމިޔާބުކުރީ 3 ސެޓް 1 ސެޓުންނެވެ.

މިމެޗްގެ ފުރަތަމަ ސެޓް ގުޅިފައިވާ ރަށްތަކުގެ ކުޅުންތެރީން ހިމެނޭޓީމް ހޯދާފައިވަނީ 25 -22 އިންނެވެ. އެހެންނަމަވެސް ދެވަނަސެޓް މީދޫޓީމް ހޯދީ 25-23 އިންނެވެ. 3 ވަނަ ސެޓް ގުޅިފައިވާ ރަށްތަކުގެ ކުޅުންތެރީން ހިމެނޭ ޓީމް 25-12 އިން ހޯދުމަށްފަހު 4 ވަނަ ސެޓް އެޓީމުން ކާމިޔާބުކުރީ 25-17 އިންނެވެ.

މީދޫގެ މަޝްހޫރު ވޮލީ ކުޅުންތެރިޔާ ޔާސީނުގެ ކޯޗްކަމުގެ ދަށުގައި ކުޅެވުނު އަންނަ މީދޫ ވޮލީޓިމްގެ ކުޅުންތެރީންނަށް މިމެޗްގައި އެކަށީގެންވާ ކުޅުމެއް ކުޅެފައިނުވާއިރު އެންމެ 6 ކުޅުންތެރީން ހިމެނޭގޮތައް މީދުއަށް ޒިޔާރަތްކުރި ގުޅިފައިވާ ރަށްތަކުގެ ކުޅުންތެރީން ހިމެނޭޓީމްގެ ކުޅުންތެރީން މިމެޗްގައި ވަރަށް ރަގަޅު ކުޅުމެއް ކުޅެފައިވާކަން ފާހަގަކޮށްލަންޖެހެއެވެ.

މިމަހުގެ 12 ވަނަ ދުވަހު ކުޅެވުނު މިމެޗް ކުޅެފައިވަނީ ޓީމެއްގައި 3 އަންހެން ކުޅުންތެރީންނާއި 3 ފިރިހެން ކުޅުންތެރީން ހިމެނޭ ގޮތަށެވެ.