އެކުވެރިކަމުގެ މެޗުގައި ފުވައްމުލަކުން މީދޫޓީމް ބަލިކޮށްފި

މީދޫ އަންހެން ވޮލީޓީމާއި ފުވައްމުލަކު ކުއީން ވޮލީޓީމާއި ދެމެދު ކުޅެވުނު އެކުވެރިކަމުގެ ވޮލީމެޗް ކުއީން ވޮލީޓީމް ކާމިޔާބުކޮށްފިއެވެ.

ޔާސީންގެ ކޯޗްކަމުގެ ދަށުގައި ކުއީން ޓީމާ ވާދަކުރި މީދޫ ވޮލީޓީމް އިއްޔެކުޅެވުނު މިމެޗުން ބަލިވީ ސީދާ ތިންސެޓުންނެވެ.

އިއްޔެ ހަވީރު މީދޫ ވޮލީ ކޯޓްގައި ކުޅެވުނު މިމެޗް ޝަރަފްކޮށްދެއވީ މީދޫ ކައުންސިލަރު ސޯލިހާގެ އިތުރަށް ރަށްޔިތުންގެ މަޖިލިސްގެ މީދޫދާއިރާއަށް ވާދަކުރައްވާ ކެނޑި ޑޭޓުންގެ ތެރެއިން އިބްރާހިމް ޝަފީއު، ސަބްރީ ، އިޔާޒު އަދި ހުޅުމީދޫ ޕޮލިސް ސްޓޭޝަންގެ އިންޗާޖެވެ.

ފުވައްމުލަކު ޓީމާއި ވާދަކޮށް ބަލިވި މީދޫ ވޮލީޓީމް

މައުލޫމާތު ލިބިފައިވާގޮތުގައި ފުވައްމުލަކު ކުއީން ވޮލީޓީމް އައްޑުއަތޮޅަށް ކުރާ މިދަތުރުގައި މިއަދު ހަވީރު ފޭދޫ ޓީމަކާއެކު އެކުވެރިކަމުގެ ވޮލީމެޗެއް ފޭދޫގައި ކުޅުމަށް ވަނީ ހަމަޖެހިފައެވެ. އަދި މީގެ އިތުރަށް މިޓީމްގެ ކުޅުންތެރީން ފޭދޫ ހޭންޑްބޯލް ޓީމަކާއެކުވެސް އެކުވެރިކަމުގެ ހޭޑް ބޯލްމެޗެއް ކުޅުމަށް ހަމަޖެހިފައިވެއެވެ.