ޝާޑުއަކީ ނަތީޖާ ނެރެދެއްވާފައިވާ ކެނޑިޑޭޓެއް- ޝާޑް ކެމްޕެއިންޓީމް

ނަތީޖާނެރެދެއްވާފައިވާ މެމްބަރަކަށް އަލުން އެ ފުރުޞަތު ދިނުމަކީ ހުޅުދޫގެ ތަރައްޤީއަށްޓަކައި ކޮންމެހެން ކުރަންޖެހޭ ކަމެކަމަށް ޝާޑް ކެމްޕެއިންޓީމުން ބުނެފިއެވެ.

“މަޖިލިސް 24 ” އިންތިޚާބުގައި ހުޅުދޫދާއިރާއަށް ވާދަކުރައްވާ ޝާޑުއާއި ބެހޭގޮތުން ޝާޑުގެ ކެމްޕެއިންޓީމުން މިހެން ބުނީ މަޖިލިސް އިންތިޚާބުގައި ހުޅުދޫ ދާއިރާއަށް ވާދަކުރައްވާ ކެނޑިޑޭޓުންގެ ނަންތައް ތަރުތީބުކޮށް ގުރުއަތު ނެގުމާއިގުޅިގެން އިއްޔެ ހުޅުދޫގައި ބޭއްވި ވެހިކަލް ބުރަށްފަހުގައެވެ.

މިވެހިކަލް ބުރަށްފަހު ވާހަކަދެއްކެވި ހުޅުދޫ ބައެއް ޒުވާނުން ބުނެފައިވަނީ ކެނޑިޑޭޓު ނަމްބަރު ދޭއް ޝާޑުއަށް ދެވޭ ވޯޓަކީ ހަމަ ޔަޤީނުންވެސް ހުޅުދޫގެ މުޞްތަޤުބަލަށް ދެވޭ ވޯޓެއްކަމަށެވެ.

08-01-2016 – ޝާޑުގެ ދައުރުގައި ހުޅުމީދޫގައި ގާއިމް ކުރެވުނު ފިޝަރީޒް ކޮމްޕްލެކްސްގެ އަމަލީ މަސައްކަތް ފެށުމުގެ ރަސްމިއްޔާތުގެތެރެއިން

2014 ވަނަ އަހަރު ބޭއްވި 18 ވަނަ ރައްޔިތުންގެ މަޖިލީހުގެ އިންތިޚާބު ކާމިޔާބު ކުރައްވާ، ހުޅުދޫ ދާއިރާ އަށް ހޮވިވަޑައިގެންނެވި، މުޙައްމަދު ޝާހިދު (ޝާޑު) ވަނީ، ޝާހިދުގެ އެދައުރުގައި ހުޅުދޫ ދާއިރާއަށް ދުވަހަކުވެސް އައިސްފައިނުވާ ކުރިއެރުމާއި ތަރައްޤީ ގެނެސްދެއްވާފައެވެ.

މަޖިލީހުގައި ޝާޑު ހޭދަކުރެއްވި ފަސް އަހަރަށް ބަލާއިރު، ސާޅީސް އަށް ޔުނިޓުގެ ފްލެޓް އިމާރާތް ކުރުމުގެ މަޝްރޫޢާއި، އައްޑޫ ފިޝަރީޒް ކޮމްޕްލެކްސް ގެ މަސައްކަތާއި، ގޮނޑުދޮށް ޙިމާޔަތް ކުރުމާއި، ވޭސްޓް މެނޭޖްމަންޓް ސެންޓަރ ޤާއިމުކުރުމާއި ފެނާއި ނަރުދަމާ ނިޒާމް ފަދަ މުޙިއްމު މަސައްކަތްތައް ހުޅުދޫގެ ކުރިއެރުމަށްޓަކައި ސަރުކާރާއި ގުޅިގެން ޝާޑުވަނީ ހުޅުދޫ ދާއިރާއަށް ކޮށްދެއްވާފައެވެ.

މިމަޝްރޫއުތަކަށް ދައުލަތުގެ ބަޖެޓުން ތިންސަތޭކަ ފަންސާސް ނުވަ މިލިއަން ރުފިޔާ ހޭދަވެފައިވެއެވެ.

ޝާޑު: ޝާޑުއަކީ ހުޅުދޫގެ ގިނައަދަދެއްގެ ރަށްޔިތުންގެ އިހުތިރާމާއި ލޯބި ހޯއްދަވާފައިވާ ބޭފުޅެއް

އަދި މީގެ އިތުރަށް ހުޅުދޫގެ ޒުވާނުންނަށް ރަށުގައި ތިބިގެން ކުޅިވަރު މުބާރާތްތަކުގައި ވާދަކުރުމުގެ ފުރުސަތު ހޯދައިދިނުމުގެ ގޮތުން ހުޅުދޫގައި ޝާޑު ސްޕޮންސަރ ކޮށްގެން ތަފާތު ކުޅިވަރު މުބާރާތްތައް ބޭއްވިފައިވާކަން ފާހަގަކޮށްލަންޖެހެއެވެ.

އެހެންކަމުން ކުރިއަށްއޮތް ރައްޔިތުންގެ މަޖިލިސް އިންތިޚާބަށްވެސް ޝާޑު ކުރިމަތިލައްވަނީ، ހުޅުދޫގެ ތަރައްޤީ އައު ހަރުފަތަކަށް ގެންގޮސްދިނުމުގެ ވަރުގަދަ ޢަޒުމުގައެވެ. ހުޅުދޫ ޒުވާނުންގެ އުންމީދުތައް ހަޤީޤަތަކަށް ހެދުމަށް ޓަކައެވެ.

ޝާޑު: ޝާޑުގެ ދައުރުގައި ބޮޑެތި ފައިސާގެ އިނާމްތައް ހުށަހަޅުއްވައިގެން ތަފާތު ގިނަ ކުޅިވަރު މުބާރާތްތަކެއް ހުޅުދޫގައި ބޭއްވި

ކަންމިހެންހުރުމާއި އެކު، ރަމަޟާންމަހަށްފަހު ބާއްވާ، ރައްޔިތުންގެ މަޖިލީހުގެ އިންތިޚާބުގައި ހުޅުދޫ ދާއިރާގެ މަންދޫބެއްގެ ޙައިޞިއްޔަތުން މަޖިލީހަށް ބޭފުޅަކު ފޮނުވުމުގެ ކުރިން، މި ކަންކަމާއި މެދު ހުޅުދޫ ދާއިރާގެ ބޭފުޅުން ވިސްނާލުން މުޙިއްމެވެ. ނަތީޖާނެރެދެއްވާފައިވާ މެމްބަރަކަށް އަލުން އެ ފުރުޞަތު ދިނުމަކީ ހުޅުދޫގެ ތަރައްޤީއަށްޓަކައި ކޮންމެހެން ކުރަންޖެހޭ ކަމެކެވެ.

ވީމާ ކެނޑިޑޭޓު ނަމްބަރު ދޭކަށްދޭ ވޯޓަކީ ހަމަ ޔަޤީނުންވެސް ހުޅުދޫގެ މުޞްތަޤުބަލަށް ދެވޭ ވޯޓެކެވެ.

ޝާޑު ފާހަގަވެފައިވަނީ ހުޅުދޫގެ ގިނައަދަދެއްގެ ރަށްޔިތުންގެ އިހުތިރާމާއި ލޯބި ލިބިފައިވާ ބޭފުޅެއްގެ ގޮތުގައެވެ. އަދި ޕީޕީއެމް ޕީއެންސީގެ އިސްސަފުގައި ޝާޑު ދަނީ ހަރަކާތްތެރިވަމުންނެވެ.