ރައީސް ޔާމީން އުފައްދަވާ އައު ސިޔާސީ ޕާޓީގެ މަސައްކަތް ކުރިއަށް

ކުރީގެ ރައީސް އަބްދުﷲ ޔާމީން އަބްދުލްޤައްޔޫމް އައު ސިޔާސީ ޕާޓީއެއް އުފެއްދުމުގެ މަސައްކަތް ފަށައިފިއެވެ.

ރައީސް ޔާމީންގެ ވަކީލު ޑރ މުހައްމަދު ޖަމީލް އަހުމަދުއާ ހަވާލާދީ ޗެނަލް 13 އިން ވަނީ އެމަނިކުފާނު ޕީޕީއެމްއިން ވަކިވެވަޑައިގެންނެވުމަށް ނިންމަވައި އައު ސިޔާސީ ޕާޓީ އެއް އުފެއްދެވުމުގެ މަސައްކަތް މިހާރު ކުރައްވަމުން ގެންދަވާކަން ހާމަކޮށްފައެވެ.

ރައީސް ޔާމީން އަލަށް އުފައްދަވާ ސިޔާސީ ޕާޓީގެ މަސައްކަތާ ގުޅޭ ގޮތުން ޑރ މުހައްމަދު މަލީހް ޖަމާލް ކުރެއްވި ޓުވީޓެއްގައި ވިދާޅުވީ، މިހާރު ކުރިއަށް ދަނީ ޕާޓީގެ ނަން ފައިނަލް ކުރުމުގެ މަސައްކަތް ކަމަށެވެ.

Raees Yameen ge aa party ge update:
1. Mihaaru kuriyah dhanee party ge nan final kurumuge masahkaiy.
2. Logo design kurun kuriyah ebadhey
3. Asaasee gavaaidhaai/Hingaa gavaaidhuge masahkaiy fesgijje.
Target akee hukuru namaadhu kurin ninmun.
Shukuriyaa.

— Mohamed Maleeh Jamal (@maleehjamal) November 23, 2023

އަދި ޕާޓީގެ ލޯގޯ ޑިޒައިން ކުރުމާއި، އަސާސީ ގަވާއިދާއި ހިންގާ ގަވާއިދުގެ މަސައްކަތް މިހާރު ފެށިފައިވާ ކަމަށާއި، މަސައްކަތް ކުރަމުންދަނީ ހުކުރު ނަމާދުގެ ކުރިން އެމަސައްކަތްތައް ނިންމުމަށް ކަމަށްވެސް މަލީހް ވިދާޅުވިއެވެ