ގިރާވަރު ފަޅުން 169 ހެކްޓަރުގެ ބިން އޮކްޓޫބަރު މަހުގެ ނިޔަލަށް ހިއްކާ ނިމޭނެކަމަށް ޕްލޭނިންގ ސަރުކާރުން ބުނެފިއެވެ.
ޕްލޭނިންގ މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ ރައީސުލްޖުމްހޫރިއްޔާ އިބްރާހިމް މުޙައްމަދު ސޯލިހްގެ ވައުދުފުޅާ އެއްގޮތަށް މާލޭގެ ރަށްވެހިންނަށް ބިންވެރިކަން ގާއިމްކޮށްދެއްވާނެކަމަށެވެ.
ގިރާވަރުފަޅުން ގޯތިދޫކުރުމަށް ބިން ހިއްކަމުންދާ ސަރަހައްދު މިއަދު ވަނީ ނޫސްވެރިންނަށް ދައްކާލާފައެވެ.
މި ސަރަހައްދު ނޫސްވެރިންނަށް ދައްކާލިއިރު، ބިންހިއްކުމުގެ މަސައްކަތް ބާރު ސްޕީޑްގައި މިހާރުވެސް ދަނީ ކުރިއަށެވެ.
35 އަހަރުގެ ދިގު އިންތިޒާރަކަށްފަހު މާލޭގެ ރަށްވެހިންނަށް މިދައުރުގެ ތެރޭގައި އިން ވަކިކޮށް ގޯތި ކަނޑާ ، ބިމުގެ ރަޖިސްޓްރީ ހަވާލުކުމަކީ ރައީސް ސޯލިހްގެ ވައުދެކެވެ. އަދި ގިރާވަރުފަޅުން އެކަނިވެސް 5000 ގޯތި ދޫކުރުމަށް ވަނީ ހަމަޖެހިފައެވެ.
ގިރާވަރުފަޅުގެ ބިން ހިއްކުމުގެ މަސައްކަތް ކުރަމުންދަނީ ނެދަލެންޑްސްްގެ ބޮސްކާލިސް އާއި އިނގިރޭސިވިލާތުގެ ސީއެމްސީ ކުންފުނިންނެވެ.
ކޮމެންޓްސް (0)