އެމްޑީޕީގެ ރިޔާސީ ކެނޑިޑޭޓް، ރައިސް ސާލިހު މިއަދު ގދ. މަޑަވެއްޔަށް ވަޑައިގެން އެރަށުގައި އެމްޑީޕީގެ ކެމްޕޭން ޖަލްސާ ބާއްވަން އެރަށު ސްކޫލާއި ކައިރިމަގެއް ބަންދު ކޮށްގެން ތައްޔާރު ކޮށްފައި އޮތް ވަގުތީ ހަރުގޭގައި ރޭ ފަތިހު ބަޔަކު ހުޅުޖަހާ އަންދާލައިފިއެވެ.
މައުލޫމާތު ލިބިފައިވާގޮތުގައި އެތަނުގައި އަލިފާން ރޯކޮށްލާފައިވަނީ ރޭގެ ފަތިހުގެ ވަގުތެއްގައި ކަމަށާއި މި ހާދިސާގައި ޖަލްސާ ބޭއްވުމަށް ހަދާފައިވާ ތަން އެކީ ވަނީ އަނދާފައެވެ. އޭގެ ތެރޭގައި ތަނުގައި ހުރި ޕޯޑިއަމާއި އަދި ޖަހާފައި ހުރި ގޮނޑިތައްވެސް ހިމެނެއެވެ. އެހެންމަވެސް މިހާދިސާގައި އެއްވެސް މީހަކަށް އަނިޔާވެފައެއް ނުވެއެވެ.
މަޑަވެލި އެމްޑީޕީން ބުނެފައިވާގޮތުގައި ބަޔަކު ޖަލްސާ ބާއްވަން ހަމަޖެހިފައިވާ ތަން އަންދައި ގެއްލުންދީފައިވާތީ، ބައްދަލުވުން ޖެޓީ ސަރަޙައްދަށް ބަދަލުކޮށްފައިވާކަމަށެވެ.
މިފަދަ ނާތަހުޒީބު އަމަލުތަކަކީ އެއްގޮތަކަށްވެސް ބަލައިގަނެވޭނެ ކަންތަކެއް ނޫން ކަމަށާއި، މިއީ ފިޑި އަމަލެއްގެ ގޮތުގައި އެމްޑީޕީ މަޑަވެލީ އެމްޑީޕީން ވަނީ ބުނެފައެވެ.
ކޮމެންޓްސް (0)