ސެނެގާލުން އަތުން ހޯސްޓް ގަތަރު ބަލިވެއްޖެ

ވޯލްޑްކަޕް ފުޓްބޯޅަ މުބާރާތުގައި އެފްރިކާގެ ޗެމްޕިއަން ސެނެގާލް އަތުން މުބާރާތުގެ ހޯސްޓް ގަތަރު ބަލިވެއްޖެވެ.

ގަތަރު ވަނީ މިމުބާރާތުގެ އެންމެ ފުރަތަމަ މެޗުގައި އެކުއެޑޯ އަތުންވެސް ބަލިވެފަ އެވެ.

ގަތަރާއި ސެނެގޯލް ބައްދަލުކުރި މިމެޗުގެ 41 ވަނަ މިނެޓުގައި ޑިއާގެ ލަނޑުން ސެނެގޯލުން ލީޑު ނެގިއިރު 48 ވަނަ މިނެޓުގައި ދިއޭދޫ ލަނޑުން ސެނެގޯލުން ލީޑު ފުޅާކުރި އެވެ.

ދެވަނަ ހާފުގެ 78 ވަނަ މިނެޓުގައި މުހައްމަދު މުންތާރީގެ ލަނޑުން ގަތަރުން ފަރަގު ކުޑަކޮށްފައިވަނިކޮށް ސެނެގޯލުގެ ބަމްބާ ޑިއެންގް ވަނީ އެޓީމަށް އިތުރު ލަނޑެއް ޖަހައިދީ މެޗްގެ ނަތީޖާ 3 -1 އަށް ބަދަލު ކޮށްދީފަ އެވެ.

މިމެޗުން ގަތަރު ބަލިވުމުން މިފަހަރުގެ ވޯލްޑްކަޕުން އެންމެ ފުރަތަމަ ކަޓައިގެން ދިޔަ ޓީމަކަށް ގަތަރުވަނީ ވެފައެވެ