މީދޫގެ ލޮބުވެތި ރައްޔިތުން އަޅުގަނޑަށް އިތުބާރުކޮށް ހަވާލުކުރެއްވި މަގާމުގެ ފުރިހަމަ ޒިންމާ އާއި މަސްއޫލިއްޔަތުތައް، ތެދުވެރިކަމާ، އަމާނާތްތެރި ކަމާއެކު އަދާކުރުމުގެ އަޒުމުގައި މަސައްކަތް ފަށާފައިވާކަމަށް މީދޫ ދާއިރާއަށް އަލަށް އިންތިޚާބުވި ކައުންސިލަރ އާމިނިތު ސާލިހާ ވިދާޅުވެއްޖެވެ.
ސޯލިހާ މިހެން ވިދާޅުވެފައިވަނީ އެކަމާނާގެ ފޭސްބުކްޕޭޖްގައި ލިއުއްވާފައިވާ ލިއުއްވުމެއްގައެވެ.
ސޯލިހާގެ ފޭސްބުކް ޕޭޖްގައި އިތުރަށް ވިދާޅުވެފައިވަނީ ރަށުގެ ކަންތައްތަކުގައި އެކަމަނާ މަސައްކަތް ކުރައްވަމުން ގެންދަވާނީ މީދޫގެ ރަށްޔިތުންގެ ޚިޔާލާއި މަޝްވަރާގެ މަތިންކަމަށް ވިދާޅުވެފައިވެއެވެ.
” މީދޫގެ ލޮބުވެތި ރައްޔިތުން އަޅުގަނޑަށް ދެއްވި ލޯތްބާއި، ދެއްކި ރީތި ނަމޫނާ އަށް ހިތުގެ އެންމެ ފުން މިނުން ޝުކުރު ދަންނަވަން. އަދި ވަކުވަކިން ޝުކުރު ނުދެންނެވުނު ކަމުގައި ވިޔަސް އަޅުގަނޑަށް އެހީތެރިވެ އެއްބާރުލުން ދެއްވި ހުރިހާ ފަރާތްތަކަށް ފަށްފަށުން ޝުކުރު ދަންނަވަން ” ސޯލިހާގެ ފޭސްބުކް ޕޭޖްގައި ވިދާޅުވެފައިވެއެވެ.
ކޮމެންޓްސް (0)