ބޮޑެތި މީހުން އަދި ކުޑަކުދިންގެ އަންނައުނުގެ އިތުރަށް ރީތިވުމަށް ބޭނުންވާ ކޮސްމެޓިކްސްގެ ތަފާތު ގިނަ ބާވަތްތައް ލިބޭގޮތައް ދާދިފަހުން ހުޅުދޫގައި ހުޅުވި ” ޒެއިސް އެވެނިއު” ފިހާރައިން ޚާއްސަ ޕްރޮމޯޝަނެއް ފަށައިފިއެވެ.
14 އެޕްރީލް 2021 އިން ފަށައިގެން 23 އެޕްރީލްގެ ނިޔަލަށް ކުރިއަށް ގެންދާ މިޕްރޮމޯޝަނުގައި %20 ގެ ޑިސްކައުންޓަކާއެކު ވިއްކުމަށް ހަމަޖެހިފައިވަނީ ހަމައެކަނި ބޮޑެތި މީހުންގެ ( ފިރިހެނުންގެ ) ގަމީހެވެ.
ދާދިފަހުން ހުޅުދޫގައި ހުޅުވި މިފިހާރައިން ވަނީ އެފިހާރައިގެ ނަމުގައި ހަދާފައިވާ ވައިބަރ ގްރޫޕް ” Zay’s Avenue ” ވައިބަރ ގްރޫޕްއަށް މިމަހުގެ 2 ވަނަ ދުވަހުން ފެށިގެން 8 ވަނަ ދުވަހުގެ ނިޔަލަށް އެޑްކޮށްފައިވާ ފަރާތްތަކުގެ މެދުގައި ގުރުއަތުލައިގެން ހޮވުނު 3 ފަރާތަކަށްވެސް ޚާއްސަ ހަދިޔާތަކެއް ދީފައެވެ.
މިފިހާރަ ހިންގުމާ ހަވާލުވެ ހުރި ފަރާތުން ވީއޯއެމް އަށް މައުލޫމާތު ދެމުން ބުނީ އަންހެނުންނާއި ފިރިހެނުން އަދި ކުޑަކުދީންގެ ތަފާތު ބްރޭންޑްތަކުގެ ހެދުމާއި ރީތި ވުމަށް ބޭނުންވާ ކޮސްމެޓިކްސްގެ ތަފާތު ބާވަތްތައް ލިބޭގޮތައް ހާއްސަކޮށްގެން ހުޅުދޫގައި ފިހާރައެއް ހުޅުވުމުގެ މަގުސަދަކީ ހުޅުދޫއާއި މީދޫގައި ދިރިއުޅެމުންދާ ބޭފުޅުންނަށް ރަށުގައި ތިބެގެން ތަފާތު ފެންވަރު ރަގަޅު އެންމެ ފަހުގެ ފެޝަންތަކުގެ ތަކެއްޗާ ކޮސްމެޓިކްސްގެ ބާވަތައް ލިބޭނެ އިންތިޒާމް ހަމަޖައްސައިދިނުންކަމަށެވެ. މި ފިހާރައިން ހުޅުމީދޫގެ އެހެން ފިހާތަކުން ލިބެން ނުހުންނަ އަންނައުނުގެ އިތުރުން ބޫޓް، ފައިވާން، ދަބަސް، ޝޯލް އަދި ކޮސްމެޓިކްސްގެ ތަފާތު ގިނަ ބާވަތްތައް ލިބެން ހުންނާނެކަމަށް މިފިހާރައިން މައުލޫމާތުދީފައިވެއެވެ.
ތިރީގައިވާ ފޮޓޯ އިންފެނިވަޑައިގަންނަވަނީ ” ޒެއިސް އެވެނިއު” ފިހާރައިން ތައްޔާރުކޮށްފައިވާ އެފިހާރައިގެ ވައިބަރ ގްރޫޕަށް އެޑްކޮށްގެން އެޑްކުރިފަރާތްތަކުގެ މެދުގައި ނެގުނު ގުރުއަތުލުމުން ހޮވުނު 3 ފަރާތަށް ” ޒެއިސް އެވެނިއު” ފިހާރައިން ދެއްވި ޚާއްސަ ހަދިޔާ ހަވާލްކުރުމުގެ ތެރެއިން ނަގާފައިވާ ފޮޓޯތަކެއް
ކޮމެންޓްސް (0)