ހޯމް ކަރަންޓިން ނުވަތަ ރަށުގައި ކަރަންޓީން ކުރާ މީހަކު ކޮވިޑަށް ޕޮޒިޓިވިޔަސް މުޅި ރަށް މޮނީޓަރިން ހާލަތައް ނުގެންނާނެ ކަމަށް އެންއޯއީސީގެ ޓެކްނިކަލް އެޑްވައިޒަރީ ގުރޫޕު (ޓެގް) އިން ބުނެފި އެވެ
ޑރ. އަހްމަދު ޝަހީދު “ސަން” އަށް މައުލޫމާތު ދެމުން ވިދާޅުވީ މިހާރު އޮތް އުސޫލުގެ ދަށުން ގޭގައި ކަރަންޓީން ކުރުމަށްފަހު، އެގޭގައި ތިބޭ އިތުރު ބަޔަކަށް އެ ގެއިން ނުނިކުމެވޭނެ ކަމަށެވެ. އެެހެން ކަމުން ކަރަންޓީން ކުރާ އުސޫލަށް މީހުން ރަނގަޅަށް އަމަލު ކުރާނަމަ، ރަށު ތެރެއަށް އެބަލި ފެތުރުމުގެ ފުރުސަތު ނޯންނާނެ ކަމަށް ޑރ. ޝަހީދު ވިދާޅުވި އެވެ.
މާލޭއިން ފުރައިގެން މާމެންދޫއަށް ދިޔަ މީހަކު މިދިޔަ ބުރާސްފަތި ދުވަހު ވަނީ ކޮވިޑަށް ޕޮޒިޓިވްވެފަ އެވެ. އަދި އޭނާއާ އެއް ކޮޓަރިއެއްގައި ކަރަންޓިންވި އިތުރު ދެމީހަކުވެސް ވަނީ ވަނީ ފަހުންވަނީ ޕޮޒިޓިވެފަ އެވެ.
މާމޭންދޫ އިން ފެނުނު ކޭސްއާ ގުޅިގެން މިހާތަނަށް 13 މީހުން ކޮންޓެކްޓް ޓްރޭސިން އިން ދެނެގަނެވި ވަނީ އެކަހެރި ކޮށްފަ އެވެ. އޭގެ ތެރޭގައި ގއ. ގެމަނަފުށީގައި ކަރަންޓީން ކޮށްފައިވާ ތިބި ފަސް މީހުން ހިމެނެ އެވެ.
އެންއޯއީސީގައި ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މަބްރޫކު އަޒީޒު ވިދާޅުވީ، އެ މީހުންނަކީ ރަށުގައި ކަރަންޓީންގައި ތިބި މީހުންކަމަށް ވުމުން އެ ދެ ރަށް މޮނިޓަރިންގެ ހާލަތައް ނުގެންނާނެ ކަމަށެވެ.
ކޮމެންޓްސް (0)