އައިއެސްއޭ ވޮލީ މުބާރާތުގެ ފައިނަލް މެޗުގައި ޓީމް ލެއްޗޭ ބަލިކޮށް ޓޫސިސްޓަރ ޗެމްޕިއަންކަން ހޯދައިފި އެވެ.
މިމަހުގެ 12 ވަނަ ދުވަހުގެރޭ މީދޫ އިޖްތިމާއީމަރުކަޒުގެ ވޮލީ ކޯޓްގައި ކުޅެވުނު މިމުބާރާތުގެ ފައިނަލްމެޗް ގައި ޓީމްލެއްޗޭއާއި ބައްދަލުކޮށް ޓޫސިސްޓަރ މޮޅުވެފައިވަނީ 3 ސެޓް 1 ސެޓުންނެވެ.
ފައިނަލްމެޗްގެ ފުރަތަމަ ސެޓް ހޯދާފައިވަނީ ޓީމްލެއްޗޭއިންނެވެ. 2 ވަނަ ސެޓާ 3 ވަނަ ސެޓް އަދި 4 ވަނަ ސެޓްގައިވެސް ޓީމް ލެއްޗޭއިން ކޮންމެ ފަހަރަކު ލީޑު ހޯދިކަމުގައިވިޔަސް އެލީޑު އެޓީމަށް ނުހިފެއްޓި ކޮންމެސެޓެއްވެސް ފަހަތުން އަރައި ޓޫސިސްޓަރވަނީ ކާމިޔާބުކޮށްފައެވެ.
ފައިނަލްމެޗް ނިމުމުން މުބާރާތުގެ ނަތީޖާ ފާޅުކޮށް އިނާމު ދިނުމުގެ ރަސްމިއްޔާތުބޭއްވުނެވެ.
ފައިނަލް މެޗު އެންމެ މޮޅު ކުޅުންތެރިޔާ މަގާމަށް ހޮވުނު ޓޫސިސްޓަރގެ ޝަފްނީޒް ( ރާއީ ) އަށް ޓްރޮފީ ހަވާލްކޮށްދެއްވީ މީދޫ ކައުންސިލަރު ހިޔާޟުއެވެ.
އުންމީދީ ފިރިހެން ކުޅުންތެރިޔާގެ މަގާމަށް ހޮވުނު ޓީމް ލެއްޗޭގެ މުހައްމަދު އާއިޝްއާއި ޓްރޮފީ ހަވާލްކޮށްދެއްވީ އަބްދުއްރަހުމާންއެވެ. އުއްމީދީ އަންހެން ކުޅުންތެރިޔާގެ މަގާމަށް ހޮވުނު ޒައިނާއާއި ޓްރޮފީ ހަވާލްކޮށްދެއްވީ އިބްރާހިމް ސަމީއުއެވެ.
މިމުބާރާތުގެ އެންމެ މޮޅު 7 ކުޅުންތެރިންނަށް ޓްރޮފީ ހަވާލްކޮށްދެއްވީ ރަޝީދާއާއި ދޮންދީއެވެ. މިމުބާރާތުގެ އެންމެ މޮޅު 7 ކުޅުންތެރީންނަށް ހޮވިފައިވަނީ ޓީމް ޓޫސިސްޓަރގެ ޝަފްނީޒް އާއި ޓީމްލެއްޗޭގެ މަރިޔަމް ޖަޒުމީނާ ، އަދި އެޓީމުގެ އާމިނަތު ނަވާއިމްއާއި އަހުމަދު އާނިސްއެވެ. އަދި މީގެ އިތުރަށް މޮޅު 7 ކުޅުންތެރީންގެ ތެރޭގައި ހިމެނެނީ ޓޫސިސްޓަރގެ ފައިޒުއެވެ.