ރައީސުލްޖުމްހޫރިއްޔާ އަބްދުﷲ ޔާމީނާއި އެމަނިކުފާނުގެ ރަނިންމޭޓް ޑރ. މުހައްމަދު ޝަހީމް އަލީ ސައީދަށް އައްޑުއަތޮޅު މީދޫއާއި ހުޅުދޫގައި އޮތް ތާއިދު ދައްކާލުމަށް މިދެ ރަށުގައި މިއަދު ވެހިކަލް ބުރެއް ބާއްވައިފިއެވެ.
މިއަދު ހަވީރު ހުޅުދޫ ބަނދަރު ސަރަހައްދުން ފެށި މިވެހިކަލް ބުރު ބޭއްވިފައިވަނީ ހުޅުދޫއާއި މީދޫގެ ބޮޑެތި މަގުތަކުގައެވެ. މިވެހިކަލް ބުރުގައި މީދޫއާއި ހުޅުދޫގެ ގިނަ އަދަދެއްގެ ރަށްޔިތުން ބައިވެރިވެފައިވާއިރު މިވެހިކަލް ބުރުގައި ޚާއްސަ މެހްމާނުންގެ ގޮތުގައި އެމްޕީއެލްގެ ސީއީއޯ އަބްދުއްރައްޒާގު ހަލީމާއި ވެމްކޯގެ އެމްޑީ މުޙައްމަދު ޝިފާއު ބައިވެރިވެ ވަޑައިގެންނެވިއެވެ.
މިސައިކަލް ބުރު އިންތިޒާމް ކުރުމުގައި އިސްކޮށް ހަރަކާތްތެރިވި ބޭފުޅަކު ވީއޯއެމްއަށް މައުލޫމާތު ދެއްވަމުން ބުނީ އެމްޑީޕީ އާއި އިދިކޮޅު އިއްތިހާދަށް ވުރެ ބޮޑު ތާއީދެއް އަދިވެސް ހުޅުދޫއާއި މީދުން އޮތީ ރައީސް ޔާމީނަށް ކަން މިއަދުގެ ވެހިކަލް ބުރުން ފެނިގެން ދާނެކަމަށެވެ.