އައްޑޫ މީދޫ ދާއިރާގެ ރައްޔިތުން ތިބީ ރައީސް އިބްރާހިމް މުޙައްމަދު ޞޯލިޙުއާ އެކީގައި ކަމަށާ އައްޑޫމީދޫ ދާއިރާގެ ތަރައްގީއަށް ސަރުކާރުން ކޮށްދެއްވާ ކަންކަން ރައްޔިތުން ބަލައިގަންނަ ކަމަށް އައްޑޫމީދޫ ދާއިރާގެ މަޖިލިސް މެންބަރު ރޮޒައިނާ އާދަމް ވިދާޅުވެއްޖެ އެވެ.
ރޮޒެއިނާ މިހެން ވިދާޅުވެފައިވަނީ އެކަމަނާ ކުރެއްވި ޓުވިޓެއްގައެވެ.
ރޮޒައިނާ ކުރެއްވި ޓްވީޓެއްގައި އިތުރަށް ވިދާޅުވެފައިވަނީ އައްޑޫމީދޫ ދާއިރާއަށް އެކަމަނާ ކުރެއްވި ދަތުރުފުޅު ނިންމަވާ ލެއްވުމުން އެނގުނީ މިވަރުގެ ސަރުކާރެއް އަދި މިހާތަނަށް ނާންނަ ކަމަށް އައްޑޫމީދޫ ދާއިރާގެ ރައްޔިތުން ގަބޫލުކުރާ ކަމަށެވެ.
” އަޅުގަޑުގެ ދާއިރާއަށްކުރި ދަތުރު ނިންމާލިއިރު އެގުނު އެއްޗަކީ އައްޑޫމީދޫ ދާއިރާއޮތީ ރައީސް އިބޫ ސޯލިހާއެކީކަން .
ދާއިރާގެ ކުރިއެރުމަށް ސަރުކާރުންކޮށްދެމުންދާ ކަންތައްތައް ރަށްޔިތުން ބަލައިގަނޭ ، އަދި މިވަރުގެ ސަރުކާރެއް ނާންނަކަމަށް މިދާއިރާގެ ރަށްޔިތުން ގަބޫލްކުރޭ ” ރޮޒެއިނާ ކުރެއްވި ޓުވިޓާގައި ވިދާޅުވެފައިވެއެވެ.
ހަމައެހެންމެ ސަރުކާރުން މަރަދޫ ފޭދޫގައި ކުރިއަށް ގެންދާ ގިނަ މަސައްކަތްތައް ފާހަގަކުރައްވައި ރޮޒައިނާ ވަނީ ރައީސް ޞޯލިޙް ދެވަނަ ދައުރަކަށް ނުހޮވަންވީ ކީއްވެތޯ ވެސް ސުވާލު ކުރައްވައިފަ އެވެ.