އެފްސީ އަފިރިން ޓީމްގެ ކޯޗް ސަސްޕެންޑްކޮށްފައިވާކަން ލޮތާރި ސްޓްރީޓް 3 ދަރިވޭމްޕް ސްޓްރީޓް ފުޓްބޯޅަ މުބާރާތް އިންތިޒާމްކުރާ ކްލަބް ލޮތާރިން އެފްސީ އަފިރިން ޓީމަށް އަންގައިފިއެވެ.
މިކަން އަންގާފައިވަނީ އޯގަސްޓް މަހުގެ 23 ވަނަ ދުވަހު ފޮނުވި ސިޓީއަކުންނެވެ.
އެސިޓީގައި ބުނެފައިވަނީ ލޮތާރި ސްޓްރީޓް 3 ދަރިވޭމްޕް ސްޓްރީޓް ފުޓްބޯޅަ މުބާރާތުގައި 22 އޯގަސްޓް 2022 ވަނަ ދުވަހުގެރޭ ކުޅެން ހަމަޖެހިފައިއޮތް އެފްސީ އަފިރިންއާއި އޭޓީ ސްޕޯޓްސް ބައްދަލުކުރަން ހަމަޖެހިއޮތް މެޗްކުޅުމަށް ރެފްރީ އެންގުމުން އެ އެންގުމާއި އެފްސީ އަފިރިން ޓީމުން ދެކޮޅު ހަދައި ޓީމްގެ ކޯޗް އިސްކޮށް ހުންނަވައިގެން މުބާރާތުގެ އިންތިޒާމް ކޮމިޓީގެ ނިންމުމާއި ދެކޮޅުހަދައި ކުޅިވަރުގެ ރޫހާއި ޚިލާފަށް އަމަލުކޮށްފައިވާތީ މުބާރާތުން އެފްސީ އަފިރިންޓީމްގެކޯޗް ސަސްޕެންޑްކުރުމަށް މުބާރާތުގެ އިންތިޒާމް ކޮމިޓީގެ އަޣުލަބިއްޔަތުން ނިންމާފައިވާކަމަށެވެ.
ޝެޑިއުލް ކުރެވިފައި އޮތް ގޮތުގެ މަތިން 24 އޯގަސްޓް 2022 ވަނަ ދުވަހުގެރޭ އެފްސީ އަފިރިން އަދި ގައުމު އެފްސީ ބައްދަލުކުރާމެޗް ކުޅުމަށް ޓީމަށް ފުރުސަތު އޮންނާނެ
ކްލަބް ލޮތާރިން އެފްސީ އަފިރިން ޓީމަށް ފޮނުވިސިޓީގައި ބުނެފައިވެއެވެ.
މިނިންމުމާއިގުޅިގެން އެފްސީ އަފިރިންގެ ފަރާތުން އެއްވެސް ޝަކުވާއެއް ހުށަހަޅަން ބޭނުންވާނަމަ އެކަމެއް ލިއުމުން މިކްލަބްގެ ރަސްމީ އީމެއިލްއަށް ފޮނުވައި އެންގުމަށް އެދެން
ކްލަބް ލޮތާރިން އެފްސީ އަފިރިން ޓީމަށް ފޮނުވިސިޓީގައި އިތުރަށް ބުނެފައިވެއެވެ.