ސ.މީދޫގައި ސަރުކާރުން އަލަށް އަޅަން ނިންމި މިސްކިތް މީދޫގެ ބައެއް މީހުން ބޭނުންވާގޮތައް މީދޫގައި މިހާރުހުރި އެންމެ ބޮޑު މިސްކިތް ” މަސްޖިދުލް އިބްރާހިމް މަޖުދުއްދީން ” ތަޅާލުމަށްފަހު އެތަނުގައި އަޅަން ސަރުކާރުން ނިންމައިފިއެވެ.
ތަޅާލުމަށް ހަމަޖެހިފައިވާ މަސްޖިދުއް އިބްރާހިމް މަޖުދުއްދީން މިސްކިތް
މައުލޫމާތު ލިބިފައިވާގޮތުގައި 500 މީހުންނަށް އެއްފަހަރާ ނަމާދުކުރެވޭ ވަރުގެ މިމިސްކިތް މީދޫގައި ފުރަތަމަ އަޅަން ނިންމީ މީދޫ ” އަރުބެމިސްކިތް” ހުރި ސަރަހައްދުގައެވެ.
އަރުބެ މިސްކިތް ހުރި ސަރަހައްދުގައި އެ މިސްކިތް އިމާރާތް ކުރުމުގެ ކަންތައް ކުރިއަށް ގެންދެވުމަށްޓަކައި އެސަރަހައްދުން މީހުންނަށް ދޫކޮށްފައިހުރި ގޯތިތަކަކާއި އިމާރާތްކޮށްފައިހުރި ތަންތަނަށް ސަރުކާރު ބަދަލުދިނެވެ. އެހެން ނަމަވެސް މީދޫގެ ބައެއް ފަރާތްތަކުން އެތަނުގައި މިސްކިތް އަޅަން ނިންމުމުން އެކަމާ ހިތްހަމަ ނުޖެހިގެން އެކަމުގެ ޝަކުވާ ސަރުކާރުގެ އެކިއިދާރާތަކަށާ ސަރުކާރުގެ ބައެއް ވެރީންނަށް ހުށަހަޅައިގެން އެމިސްކިތް އިމާރާތް ކުރުމުގެ މަސައްކަތްވަނީ ލަސްވެގެން ގޮސްފައެވެ.
ތަޅާލުމަށް ހަމަޖެހިފައިވާ މަސްޖިދުއް އިބްރާހިމް މަޖުދުއްދީން މިސްކިތް
މައުލޫމާތު ލިބިފައިވާގޮތުގައި ” މަސްޖިދުލް އިބްރާހިމް މަޖުދުއްދީން” މިސްކިތް ތަޅާލުމަށްފަހު އަލަށް އެޅުމަށް ހަމަޖެހިފައިވާ މިސްކިތުގެ މަސައްކަތް ވަރަށްއަވަހަށް ފެށިގެންދާނެއެވެ.