މީދޫ މަތި ކިޅި އެކޯ ގާޑަން އަކީ މީދޫގެ އަމިއްލަފަރާތްތަކުން އިސްނަގައިގެން އެކިފަރާތްތަކުގެ ދީލަތިއެހީއާއެކު ތައްޔާރުކޮށްފައިވާ ތަނެކެވެ.
އެހެން ނަމަވެސް އެތަނަކީ ހިމާޔަތްކޮށްފައިވާ ތަނެއްގެ ގޮތުގައި ހަމަޖައްސާ އެތަން ސިޓީ ކައުންސިލްގެ ބެލުމުގެ ދަށަށް ގެންދިޔަފަހުން އެތަން ބަލަހައްޓަމުންދިޔަ ފަރާތްތަކުން ވަނީ އެތަން ބެލެހެއްޓުން ދޫކޮށްލާފައެވެ. އޭގެ ސަބަބުން އެތަން މިހާރުވަނީ ވަރަށް ބޮޑަށް ހަލާކުވެ ވަރަށްބޮޑެތި މަރަމާތުތަކެއް ކުރަންޖެހިފައެވެ.
މީދޫ މަތިކިޅި އެކޯގާޑަންއަށް ޒިޔާރަތްކުރާފަރާތްތަކުން އެތަނަށް ޒިޔާރަތްކޮށް އެތަނުގައި ނަގާ ފޮޓޯތައް ފޮޓޯތައް ސޯޝަން މީޑިއާގައި ޝެއާކުރުމުން ފޮޓޯތަކުން އެތަނުގެ ރީތިކަން ފެނިފައި ވަރަށް ގިނަ ފަރާތްތަކުން އެތަން ބަލާލުމަށާ އެތަނުގައި ފޮޓޯނެގުމަށް މީދުއަށް ޒިޔާރަތް ކުރަމުން ގޮސްފައިވެއެވެ.
އެހެންނަމަވެސް އެތަން މިހާރު ވަރަށް ބޮޑަށް ހަލާކުވެ މަރާމާތު ކުރަން ޖެހިފައިވާތީ އެތަނުގެ ރީތިކަމެއް ފޮޓޯތަކުންވެސް ފެނިގެނެއްނުދެއެވެ.
މަތި ކިޅި އެކޯގާޑަން ވަރަށް ބޮޑަށް ހަލާކުވެ މަރާމާތު ކުރަންޖެހިފައިވަނިކޮށް އައްޑޫސިޓީ ކައުންސިލުންވަނީ މިމަހުގެ 23 ވަނަ ދުވަހު އެތަން މަރާމާތުކޮށްދޭނެ ފަރާތެއް ހޯދުމަށް އިއުލާންކޮށްފައެވެ.