އައްޑޫ ސިޓީ މީދޫ ދާއިރާގެ ކުރީގެ ކައުންސިލަރު، ޙުސައިން ހިޔާޒު މޯލްޑިވްސް ނޭޝަނަލް ޕާޓީ(އެމްއެންޕީ) އާ ގުޅިއްޖެއެވެ.
އެމްއެންޕީއިން މީސްމީޑިއާގައި ކުރި ޕޯސްޓެއްގައި ބުނީ، ހިޔާޒު އެ ޕާޓީއާ ގުޅުނީ އައްޑޫ ސިޓީގައި އެމްއެންޕީއަކީ ވަރުގަދަ ޕާޓީއަކަށް ހެދުމަށް ކުރަމުންދާ މަސައްކަތުގެ ތެރެއިން ކަމަށެވެ. އަދި ޕާޓީ ވަރުގަދަ ކުރުމަށް ހިޔާޒު ފަދަ ތަޖުރިބާ ހުރި ބޭފުޅުންގެ އެހީ މުހިއްމު ކަމަށެވެ.
އެމްއެންޕީއަށް ދާދި ފަހުން ވަނީ އެޕާޓީއަށް 10،000 މެމްބަރުން ހަމަވެފައިވާކަން ހާމަކޮށްފައެވެ. އެ ޕާޓީގެ ރައީސް ކާނަލް މުހައްމަދު ނާޒިމް ވިދާޅުވީ އެމްއެންޕީ އަކީ ކުރިމަގު އުޖާލާ ޕާޓީއެއް ކަމަށެވެ.
މަސްދަރު: އަސްރު އޮންލައިން