މެޗު ނިމެން 8 މިނިޓަށް ވެފައި ވަނިކޮށް އިތުބާރު ފޯވާޑު ސުނިލް ޗެތިރީ ކާމިޔާބު ކޮށްދިން ލަނޑާއެކު އުރީދޫ ސާފް ޗެންޕިއަންޝިޕްގައި އާދީއްތަ ދުވަހުގެ ރޭ ނޭޕާލް އަތުން މޮޅުވެ އިންޑިއާއިން މުބާރާތުގެ ފައިނަލަށް ދިއުމުގެ އުންމީދު އާކޮށްފިއެވެ.
މުޅި މެޗުގައި ވެސް، ގިނައިރު ބޯޅަ ގެންގުޅޭ ގިނަ ހަމަލާތައް އުފެއްދީ އިންޑިއާ އިންނެވެ. އަދި މުޅި މިމެޗުގައި ކަހަލަގޮތަކަށް ނޭޕާލުން ކުޅުނީ، ޑިފެންސިވް ގޭމެކެވެ. އެޓީމުން ބޮޑަށް ބެލީ ކައުންޓަރ އެޓޭކެއްގައި އިންޑިޔާގެ ގޯލަށް ނުރައްކާ ކޮށް ލަނޑެއް ކާމިޔާބުކުރެވޭތޯއެވެ.
މި މެޗުން މޮޅުވެ އިންޑިއާ އޮތީ ފަސް ޕޮއިންޓާއެކު ތާވަލްގެ ތިން ވަނައިގަ އެވެ. މި މެޗުން ނޭޕާލް ބަލިވުމުން 6 ޕޮއިންޓާއި ފައިދާ ގޯލްގެ ތަފާތުން ރާއްޖެ އަށް ވަނީ ޓޭބަލްގެ އެއް ވަނަ ލިބިފަ އެވެ. ދެވަނައިގައި ނޭޕާލް ވެސް އޮތީ ހަ ޕޮއިންޓާއެކު އެވެ.