ރާއްޖެއިން އިތުރު ފަސް ދިވެއްސަކާއި، ބިދޭސީއަކު ކޮވިޑް-19އަށް ޕޮޒިޓިވް ވެއްޖެވެ.
މިކަން ހާމަކޮށްފައި އެޗްޕީއޭއިން ކޮށްފައިވާ ޓުވިޓެއްގައެވެ. އެޓުވިޓުގައި ވަނީ، އިތުރު ފަސް ދިވެއްސަކާއި، ބަންގްލަދޭޝް މީހަކު ކޮވިޑް-19 އަށް ޕޮޒިޓިވް ވެފައިވާކަމަށެވެ.
މިއާއެކު މިއަދު މިހާތަަނަށް ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 12 އަށް އަރާފައެވެ. މީގެ އެޗްޕީއޭ އިން މިއަދު ވަނީ ހަ މީހަކު ކޮވިޑް-19 އަށް ޕޮޒިޓިވްވެފައިވާ ކަން ހާމަކޮށްފައެވެ.
އޭގެ ތެރޭގައި ހިމެނެނީ ހަތަރު ދިވެހިންނާއި، ބަންގްލަދޭޝް މީހަކާއި، ޕާކިސްތާނު މީހެކެވެ.
އެހެންކަމުން މިއަދު ޕޮޒިޓިވްވި 12 މީހުންނާއެކު ރާއްޖެއިން މި ވައިރަސްއަށް ޕޮޒިޓިވްވި މީހުންގެ އަދަދު ވަނީ 226 އަށް ވަނީ އަރާފައެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުުންގެ ތެރޭގައި 137 މީހުންނަކީ ބިދޭސީންނެވެ. އަދި 89 މީހުންނަކީ ދިވެހިންނެވެ.