އެމްޕީއެލް ފެރީ ނިޒާމުގެ ތެރެއިން ނޫންގޮތަކަށް މީހުން ގޮވައިގެން ރާއްޖޭގެ އެއްވެސް ތަނަކުން ފުރައިގެން އައްޑޫގެ އެއްވެސް އަވަށަކަށް ކަނޑު އުޅަދެއް އައިސް ކައިރިކުރާނަމަ އެއުޅަދަކުން މީހުން ބޭލުމުގެކުރިން އެއަވަށެއްގައި ގާއިމް ކުރެވިފައިވާ ” އެސްއެސްޑީ ” ގެ ހޮޓްލައިނަށް ގުޅާ އެންގެވުމަށް އައްޑޫސިޓީ ކައުންސިލުން ކޮވިޑާއި ގުޅިން އެކުލަވާލާފައިވާ ” ކޮވިޑް19 ހިތަދޫ ސޯޝަލް ސަޕޯޓް ޑެސްކް” ޓީމުން އިއުތިމާސްކޮށްފިއެވެ.
އައްޑޫސިޓީ ކައުންސިލުން އެކުލަވާލާފައިވާ ” ކޮވިޑް19 ހިތަދޫ ސޯޝަލް ސަޕޯޓް ޑެސްކް” ޓީމުން މިގޮތައް އިއުތިމާސްކޮށްފައިވަނީ އެޓީމުގެ ފޭސްބުކް ޕޭޖް މެދުވެރިކޮށް 16 އެޕްރީލް 2020 ގައި އާއްމުކޮށްފައިވާ ލިއުމެއްގައެވެ.
މީގެ އިތުރަށް 14 އެޕްރީލް 2020 ވަނަ ދުވަހު އިރުއޮއްސި 18:30 ގައި ގަން އިންޓަނޭޝަނަލް އެއަރޕޯޓަށް ޖެއްސި މޯލްޑިވިއަންގެ އެއަރބަސް އިން ދަތުރުކުރި ފަރާތްތަކާއި އެފަރާތްތަކާއި ކޮންޓެކްޓްވި ފަރާތްތަކަށްވެސް އެންމެ ރައްކާތެރިގޮތަކީ ގޭގައިމަޑުކޮށްދެއްވުންކަމަށް އެ ޓީމުންވަނީ ބުނެފައެވެ.
ތިރީގައި ދަންނަވާފައި އެވަނީ އައްޑޫސިޓީގެ އަވަށްތަކުގައި ގާއިމް ކުރެވިފައިވާ ” އެސްއެސްޑީ ” ޓީމްތަކަށް ގުޅޭނެ ފޯން ނަމްބަރުތަކެވެ.
# މީދޫ އެސްއެސްޑީ ހޮޓްލައިން: 7789041
# ހިތަދޫ އެސްއެސްޑީ ހޮޓްލައިން 7789042
# މަރަދޫ އެސްއެސްޑީ ހޮޓްލައިން 7789043
# މަރަދޫފޭދޫ އެސްއެސްޑީ ހޮޓްލައިން: 7789045
# ފޭދޫ އެސްއެސްޑީ ހޮޓްލައިން: 7789044
# ހުޅުދޫ އެސްއެސްޑީ ހޮޓްލައިން: 7789046