މާލޭގައި ކޯވިޑް-19 ފެތުރެން ފަށާފައިވާތީ، ރަށުން ބޭރުން ފުރައިގެން ހުޅުދޫއާއި މީދުއަށް އައިސްފައިވާ އެންމެހައި ފަރާތްތަކުން، ސިއްހީމަރުކަޒުގެ ހޮޓްލައިން ނަމްބަރު 6894680 އަށް ގުޅުއްވާ މައުލޫމާތު ހިއްސާ ކުރެއްވުމަށާ އަދި އެފަދަ ފަރާތްތަކުން 14 ދުވަސް ވަންދެން ގޭގައި މަޑުކުރުމަށް ހުޅުމީދޫ ސިއްހީމަރުކަޒުން އިލްތިމާސް ކޮށްފިއެވެ.
ސިއްހީމަރުކަޒުން މިގޮތައް އިއުތިމާސްކޮށްފައިވަނީ މިއަދު އާއްމުކޮށްފައިވާ ދެންނެވުމެއްގައެވެ.
ސިއްހީމަރުކަޒުން މިގޮތައް އިއުތިމާސްކޮށްފައިވާއިރު މާލެ އިން މިއަދު ކޮވިޑް-19 ޕޮޒިޓީވްވި މީހާއާއި މީގެ ދެ ދުވަސް ކުރިން ފެށިގެން ކްލޯޒް ކޮންޓެކްޓެއްގެ ގޮތުން ކޮންޓެކްޓް ވެފައި ތިބި މީހުންގެ ތެރެއިން ދެމީހަކު އައްޑޫގައި އެބަތިބިކަމަށާ އެމީހުން ހޯދާ އެމީހުންގެ ހާލަތު ބަލަމުންދާކަމަށް އެޗްޕީއޭއިން މިއަދު ހަވީރު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ޑރ. ނަޒްލާވަނީ ވިދާޅުވެފައެވެ.