އިނގިރޭސި ލީގު ކަޕުގެ ސެމީ ފައިނަލުގެ ދެ ވަނަ ލެގުން މެންޗެސްޓަރ މޮޅުވިކަމުގައިވިޔަސް ޔުނައިޓެޑް މުބާރާތުން ކަޓާ މެންޗެސްޓަރ ސިޓީ ފައިނަލަށް ދަތުރުކޮށްފިއެވެ.
ރޭ މެންޗެސްޓާ ސިޓީ އާއި މެންޗެސްޓާ ޔުނައިޓެޑް ސިޓީގެ ދަނޑުގައި ބައްދަލުކޮށް ކުޅުނު މެޗުން 1 ލަނޑު 0 ލަނޑުން މެންޗެސްޓަރ މޮޅުކަމުގައިވިޔަސް މިދެޓީމް ބައްދަލުކުރި ފުރަތަމަ ލެގްގެ މެޗުން ސިޓީ މޮޅުވެފައިވަނީ 3 ލަނޑު 1 ލަނޑުންނެވެ. އެހެންކަމުން ސިޓީ މިމުބާރާތުގެ ފައިނަލަށް ދަތުރުކޮށްފައިވަނީ އެގްރިގޭޓުން ކުރި ހޯދައިގެންނެވެ.
ރޭ ސިޓީއާއި މެންޗެސްޓަރ ބައްދަލުކުރި މެޗްގައި މެންޗެސްޓަރއިން ކާމިޔާބުކުރި ހަމައެކަނި ލަނޑު 35 ވަނަ މިނިޓްގައި ކާމިޔާބުކޮށްދިނީ މަޓިޗް އެވެ. މިޓިޗް ކާމިޔާބުކޮށްދިން މިލަނޑަކީ ޔުނައިޓެޑްއަށް ލިބުނު ހިލޭ ޖެހުމުގައި ފްރެޑް ފޮނުވާލި ބޯޅައެއް ގޯލުގެ ތެރެއަށް ފޮނުވާލައިގެން ކާމިޔާބުކޮށްދީފައިވާ ލަނޑެކެވެ.
މާޗް އެއް ވަނަ ދުވަހު ކުޅޭ ފައިނަލުގައި ސިޓީ ބައްދަލުކުރާނީ އެސްޓަން ވިލާއާ އެވެ. އެސްޓަން ވިލާ ފައިނަލަށް ދަތުރުކުރީ ސެމީގައި ލެސްޓާ ސިޓީ ބަލިކުރުމަށް ފަހު އެވެ.