ލޯކަލް ކައުންސިލް އިންތިޚާބުގައި އެމްޑީޕީން ވާދަކުރާ ކެނޑިޓޭޓުން ހޮވުމަށް އެޕާޓީން ބާއްވާ ޕްރައިމަރީ މި ޖެނުއަރީމަހުގެ 31 ވަނަ ދުވަހު ބޭއްވުމަށް ވަނީ ހަމަޖެހިފައެވެ.
މިގޮތުން އެމްޑީޕީ ޕްރައިމަރީގައި މީދޫން ވާދަކުރާނީ ނާދިޔާ ހަސަން އަދި އައިޝަތު ޝޫޒާ އެވެ. ނާދިޔާ އަކީ އެމްޑީޕީ އުފެދުނީއްސުރެން އެޕާޓީގައި ހަރަކާތްރެރި ވަމުންއަންނަ މީދޫގެ އެމްޑީޕީ އެކްޓިވެސްޓެކެވެ. ޝޫޒާއަކީ ވެސް ސިޔާސީ ހަރަކާތް ތަކުން ފެނިގެން ގޮސްފައިވާ ޒުވާން ކަނބަލެކެވެ.
ކައުންސިލްތަކުގައި އަންހެނުން ދައުރު ފުޅާކުރަން މިސަރުކާރުން އަލަށް ފާސްކުރި ބިލްގައި ޚާއްސަ ބާބެއް ހިމަނާފައިވެ އެވެ. އެގޮތުން ކައުންސިލްތަކުގެ މެމްބަރުންގެ ތެރެއިން 33 ޕަސެންޓް އަންހެނުންނަށް ޚާއްސަވެ އެވެ . މިއީ ރާއްޖޭގައި އިންތިޚާބީ މަގާމުތަކެއް އަންހެނުންނަށް ޚާއްސަ ކުރާ ފުރަތަމަ ފަހަރެވެ
ސިޓީކައުންސިލް އިންތިހާބުގެ ދާއިރާތައް ހަމަޖައްސާ އުސޫލު ކަނޑައެޅި އިރު މީދޫ އަށް ވަނީ އަންހެން ކައުންސިލަރަކު ހޮވުމަށް މަގުފަހިވެފައެވެ.
ބެލެވޭ ގޮތުގައި މީދޫދާއިރާގެ އެމް.ޑީޕީ ފުރައިމަރީ ވާދަވެރިވާނެއެވެ. އެމްޑީޕީން އާންމު ކުރި ވޯޓުލުގުމުގެ ހައްގު ލިބިގެންވާ ލިޓުން ދައްކާ ގޮތުގައި 1026 އެމްޑީޕީ އާއްމު މެމްބަރުން މީދޫގައި އެބަތިއްބެވެ .
ސިޓީ ކައުންސިލަރުންގެ މެމްބަރުންގެ ގޮތުގައި ހޮވޭ ބޭފުޅަކަށް މުރާސަ އާއި ލިވިން އެލަވަންސާއެކު މަހަކު ތިރީސްހާސް ރުފިޔާ ލިބޭނެއެވެ.