މަތީގައިވާ ފޮޓޯއާއި ތިރީގައިވާ ފޮޓޯތަކުން ފެނިވަޑައި ގަންނަވަނީ މިނިސްޓްރީއޮފް އެންވަޔަރމަންޓުން ކުރިއަށް ގެންދާ “ރަށްފެހި ” ޕްރޮގްރާމާއި އައްޑޫސިޓީ ކައުންސިލުން ކުރިއަށް ގެންދާ ” ނަލަފެހި ” ޕްރޮގްރާމްގެ ދަށުން މިއަހަރުގެ ތިމާވެށީގެ ދުވަސް ފާހަގަ ކުރުމުގެ ގޮތުން ބުރާސްފަތިދުވަހު ( 13 ޖޫން 2019 ވަނަ ދުވަހު ) މީދޫގައި ބޭއްވުނު ރުއް އިންދުމުގެ ޕްރޮގްރާމްގެ ތެރެއިން ނެގިފައިވާ ފޮޓޯތަކެކެވެ. އިއްޔެ ބޭއްވުނު ރުއް އިންދުމުގެ ޕްރޮގްރާމްގައި 75 ރުކަށްވުރެން ގިނަ ރުއްވަނީ އިންދިފައެވެ.
އިއްޔެ ބޭއްވުނު ރުއްއިންދުމުގެ ޕްރޮގްރާމް ބޭއްވިފައިވަނީ ދުނިޔޭގެ ތިމާވެށީގެ ދުވަހުގެ މިއަހަރުގެ ޝިއާރެއްގެ ގޮތުގައި ޔުނައިޓެޑް ނޭޝަންސް އެންވަޔަރމަންޓް ޕްރޮގްރާމް އިން ކަނޑައަޅާފައިވާ ” ވައިގެ ތަޣައްޔަރުކަން ” މިޝިއާރުގެ ދަށުންނެވެ.
މީދޫ ކުޑަކުދީންގެ ފާކުގެ ހުޅަގުން ވިޝްޕޮއިންޓް ރެސްޓޯރެންޓްގެ އުތުރަށް އޮތް ހުސް ބިމުގައި އިއްޔެ ބޭއްވުނު ރުއް އިންދުމުގެ ޕްރޮގްރާމްގައި ބޭންކް އޮފް މޯލްޑިވްސް ހުޅުމީދޫ ބްރާންޗް ، ފެނަކަ ކޯޕަރޭޝަން ހުޅުމީދޫ ބްރާންޗް ، ހުޅުމީދޫ ޕޮލިސް ، އައްޑޫ ފިޝަރީޝް ކޮމްޕްލެކްސް ، ޝަމްސުއްދީން ސްކޫލް ، އަތޮޅުމަދަރުސާ އަދި ޝަންގްރިއްލާ ރިސޯޓްގެ އިތުރަށް މީދޫ ނަލަފެހި ޖަމްއިއްޔާއިން ބައިވެރިވެފައިވެއެވެ.
އަތޮޅުމަދަރުސާ ދަރިވަރުން ، ފެނަކަ ހުޅުމީދޫބްރާންޗްގެ ބައެއް މުވައްޒަފުން
ބީއެމްއެލް ހުޅުމީދޫ ބްރާންޗްގެ މުވައްޒަފުން