ވޮލީ ބޯޅަ އެސޯސިއޭޝަންއިން އިންތިޒާމު ކޮށްގެން ބާއްވާ ޒޯން އަދި އަތޮޅު މުބާރާތް އައްޑޫގައި ހޯސްޓު ނުކުރުމަށް އައްޑޫ ސިޓީ ކައުންސިލުން ނިންމާފައިވާކަމަށް މައުލޫމާތު ލިބިއްޖެވެ.
މައުލޫމާތު ލިބިފައިވާގޮތުގައި އައްޑޫ ސިޓީ ކައުންސިލުން ޒޯން ވޮލީ މުބާރާތް ނުބޭއްވުމަށް ނިންމީ ޒޯން މުބާރާތަކީ ވަރަށް ބޮޑެތި ޚަރަދުތައް ހިނގާނެ މުބާރާތަކަށް ވެފައި އައްޑޫ ސިޓީ ކައުންސިލަށް ވޮލީ މުބާރާތެއް ބޭއްވުމަށް ބަޖެޓެއް ލިބިފައިނެތުމުންނެވެ.
އައްޑޫ ސިޓީ އަކީ ކުރީން ރާއްޖޭގެ ވޮލީގައި އެންމެ ނަން މަޝްހޫރު އެއް އަތޮޅެވެ. މިގޮތުން މީގެ ކުރީން އައްޑޫގައި ތަފާތު ނަންނަމުގައި ބޮޑެތި ވޮލީ މުބާރާތްތައް ބޭއްވިފައިވެއެވެ.
އައްޑުއަތޮޅުގައި މިފަހުން ބޮޑު ވޮލީ މުބާރާތެއް ބޭއްވިފައި ނުވާތީ އައްޑޫގައި ތިބި ވޮލީ ކުޅުންތެރީންނާއި ވޮލީއަށް ޝައުގުވެރިކަންހުރި ފަރާތްތަކުން 2016 ވަނަ އަހަރާއި 2017 ވަނަ އަހަރު ފުވައްމުލަކުގައި ފުވައްމުލަކު އަތޮޅުކައުންސިލުން އިންތިޒާމްކޮށްގެން ބޭއްވި ވޮލީ މުބާރާތުގައި ބޮޑެތި ޚަރަދުތަކެއްކޮށްގެން ޓީމެއްބައިވެރިކޮށްފައިވެއެވެ. މީގެތެރެއިން 2016 ވަނަ އަހަރު މުބާރާތުގެ ރަނައަޕްޓީމަކަށް އައްޑޫޓީމް ހޮވިފައިވާއިރު 2017 ވަނަ އަހަރު ބޭއްވުނު މުބާރާތުގެ ޗެމްޕިއަކަން ހޯދާފައިވަނީ އައްޑޫސިޓީއަށް ނިސްބަތްވާ މީދޫ ވޮލީ ޓީމުކަން ފާހަގަކޮށްލަންޖެހެއެވެ.