ވެސްޓްހަމް ޔުނައިޓެޑް ބަލިކޮށް ޗެލްސީ އިގިރޭސި ޕްރިމިއާލީގުގެ ޕޮއިންޓް ޓޭބަލްގެ ތިންވަނައަށް ޖެހިލައިފިއެވެ.
ޗެލްސީގެ ދަނޑުގައި ރޭ ކުޅެވުނު މިމެޗުން ޗެލްސީ މޮޅުވެފައިވަނީ 2 ލަނޑު 0 ލަނޑުންނެވެ. ޗެލްސީން މިމެޗްގައި ކާމިޔާބުކުރި ދެލަނޑުވެސް ކާމިޔާބުކޮށްދީފައިވަނީ ހަޒާޑެވެ.
ރޭގެ މެޗުން މޮޅުވި ޗެލްސީއަށް 33 މެޗު ކުޅެގެން 66 ލިބި ، ޕޮއިންޓް ޓޭބަލްގެ 3 ވަނަ ލިބޭއިރު 32 މެޗުން 64 ޕޮއިންޓް ލިބި ޓޮޓެމްހަމްއަށް ލިބެނީ ޓޭބަލްގެ 4 ވަނައެވެ. އާސެނަލްއަށް 32 މެޗުން 63 ޕޮއިންޓް ލިބި ޓޭބަލްގެ 5 ވަނަ ލިބޭއިރު 33 މެޗުން 82 ޕޮއިންޓް ލިބިގެން ޓޭބަލްގެ އެއްވަނާގައި މިވަގުތު އޮތީ ލިވަޕޫލްއެވެ. އަދި 32 މެޗުން 80 ޕޮއިންޓް ލިބިގެން މެންޗެސްޓަރ ސިޓީއަށް މިވަގުތު ލިބެނީ ޓޭބަލްގެ ދެވަނައެވެ.