ލިވަޕޫލްގެ ހަގީގީ ފެންވަރު ބަޔާނާ ދެކޮޅަށް ދައްކައިފިކަމަށް ކްލޮޕް ބުނެފިއެވެ.
ޗެމްޕިއަންސް ލީގުގެ ގަދަ 16 ގެ ދެވަނަބުރުގައި ރޭ ބަޔާން އަތުން މޮޅުވެ ލިވަޕޫލްވަނީ ގަދަ 8 ން ޖާގަ ހޯދާފައެވެ. ރޭގެ މެޗް ލިވަޕޫލް ކާމިޔާބުކުރީ 3-1 ގެ ނަތީޖާއަކުންނެވެ.
މެޗަށްފަހު ލިވަޕޫލްގެ ކޯޗް ކްލޮޕް ބުނީ އެޓީމުގެ ހަގީގީ ފެންވަރަކީ މިއީކަމަށެވެ. ބަޔާންކަހަލަ ވަރުގަދަ ޓީމެއް އަމިއްލަ ދަނޑުގައި ބަލިކުރެވޭނީ ކުޅުންތެރީން މޮޅަށްކުޅެގެންކަމަށާ ރޭގެ މެޗަކީ އެޓޭކާ ޑިފެންސްގަވެސް ޓީމުން ޑޮމިނޭޓްކުރި މެޗެއްކަމަށް އޭނާ ބުނިއެވެ.
ޔޫރަޕްގެ ވަރުގަދަ ބޮޑު ކްލަބެއްގެ މަގާމް ލިވަޕޫލް އަނެއްކާވެސް ހޯދައިފިކަމަށާ މިއީ ލިބޭ ވަރަށްބޮޑު ހިތްހަމަޖެހުމެއްކަމަށް ކޯޗް ކްލޮޕްބުނިއެވެ. އޭނާ ބުނީ މިއީ ޔޫރަޕްގެ އެންމެ ގަދަ ބާރުތަކުގެ ތެރޭގައި ލިވަޕޫލް ހިމެނުމަށް އެޅުނު ބޮޑު ފިޔަވަޅެއްކަމަށެވެ.
ބަޔާންގެ ކޯޗް ނިކޯކޯއަޕް ބުނީ ޓީމް ބަލިވީ މާބޮޑަށް ޑިފެންސަށް ސަމާލުކަން ދިނުމުންކަމަށާ ރޭގެ މެޗުން ބަޔާންއަތުން ލިވަޕޫލް މޮޅުވުން ހައްގުވަރަށް ލިވަޕޫލް ރޭގެ މެޗްގައި މޮޅަށް ކުޅުނުކަމަށެވެ. އަދި އަމިއްލަ ސްޕޯޓަރުންގެ ކުރިމަތީގައި މާބޮޑު ނަތީޖާއެއް ނުނެރެވުމަކީ ލަދުވެތިކަމެއްކަމަށްވެސް ކޯޗް ކޯއަޕްބުނިއެވެ.
ޚަބަރު: ޕީއެސްއެމް