އެކުވެރިކަމުގެ މެޗެއްގައި މީދޫ ޝަމްސުއްދީން ސްކޫލް އިން ހުޅުދޫ ސްކޫލްގެ މައްޗަށް 6-3 އިން ކުރިހޯދައިފި އެވެ.
އައްޑޫ އިންޓަރ ސްކޫލް ފުޓްބޯޅަ މުބާރާތުގައި ބައިވެރިވުމަށް ތައްޔާރުވަމުންދާ ހުޅުދޫ ސްކޫލްގެ 14 އަހަރުންދަށުގެޓީމާއި މީދޫ ޝަމްސުއްދީން ސްކޫލްގެ 13 އަހަރުން ދަށުގެޓީމްގެ ދެމެދުގައި މިދިޔަ ބުރާސްފަތި ދުވަހު ހަވީރު މީދޫ ފުޓްބޯޅަ ދަނޑުގައި ކުޅެވުނު މިމެޗްގައި ފުރަތަމަ ލަނޑު ޖެހީ ހުޅުދޫ ސްކޫލްގެ ޓީމުންނެވެ. އެހެން ނަމަވެސް ފުރަތަމަ ހާފްގެ ކުޅުން ނިމުމުގެ ކުރީން ޝަމްސުއްދީން ސްކޫލްގެ ޓީމުންވަނީ 3 ލަނޑު ކާމިޔާބުކޮށް މެޗްގެ ލީޑު ހޯދާފައެވެ.
ފަހު ހާފު ހާފުގެ ކުޅުން ފަށައިގެން ކުރީކޮޅު ޝަމްސުއްދީން ސްކޫލްޓީމުން އެޓީމުގެ 4 ވަނަލަނޑު ކާމިޔާބުކޮށް މެޗްގެ ނަތީޖާ 4-1 ބަދަލުކުރިއެެވެ.
އޭގެ ކުޑައިރުކޮޅެއްފަހުން ހުޅުދޫ ސްކޫލްޓީމުން އެޓީމުގެ 2 ލަނޑާއި 3 ވަނަ ލަނޑު ކާމިޔާބުކޮށް މެޗްގެ ނަތީޖާ 4-3 އަށް ބަދަލުކުރިއެވެ.
އެހެންނަމަވެސް ޝަމްސުއްދީން ސްކޫލްޓީމުން ވަނީ ފަހުހާފް ނިމުމުގެ ކުރީން ވަރަށް ކައިރި ކައިރީގައި އިތުރު 3 ލަނޑު ކާމިޔާބުކޮށް މެޗްގެ ނަތީޖާ 6-3 އަށް ބަދަލުކޮށްލާފަ އެވެ.