ރައްޔިތުންގެ މަޖިލީހުގެ މީދޫ ދާއިރާގެ ގޮނޑިއަށް ވާދަކުރައްވާ ކެނޑިޑޭޓުންގެ މެދުގައި ބޭއްވި ބަހުސް ޕަބްލިކް ސާވިސް މީޑިއާ (ޕީއެސްއެމް)އިން މިރޭ ދައްކާގޮތައް ހަމަޖައްސައިފިއެވެ.
މައުލޫމާތު ލިބިފައިވާގޮތުގައި މި ބަހުސް ޕީއެސްއެމްއިން ދެއްކުމަށް ހަމަޖެހިފައިވަނީ މިރޭ 8:30 ގައެވެ.
ދައުލަތުގެ މީޑިޔާ ޕީއެސްއެމްއިން ގެނެސްދޭ މަޖިލިސް އިންތިހާބުގެ މިބަހުސްގައި ރައްޔިތުންނަށް ކެންޑިޑޭޓުން ތައާރަފް ވުމަށް ފުރުސަތު ލިބޭއިރު ދާއިރާގެ ތަރައްގީގެ ކަންކަމުގައި ކެންޑިޑޭޓުންގެ ވިސްނުމާއި ތަސައްވަރު ހިއްސާ ކުރެވޭނެއެވެ.
މަޖިލިސް އިންތިޚާބުގައި މީދޫ ދާއިރާގެ ގޮނޑިއަށް 5 ކެނޑިޑޭޓުން ވާދަކުރެއެވެ. އެކަމަކު ބަހުސްގައި ބައިވެރިވެފައިވަނީ އިދިކޮޅު އެމްޑީޕީގެ ކެނޑިޑޭޓް ސަބްރީއާއި ޕީޕީއެމްގެ/ ޕީއެންސީގެ ކެނޑިޑޭޓް އަލްއުސްތާޛު އިޔާޒު ނަސީމުގެ އިތުރުން އަމިއްލަގޮތުން ވާދަކުރައްވާ އަބްދުއްރަހުމާނެވެ. ހިޝާމާއި އިބްރާހިމް ޝަފީއު މިބަހުސްގައި ބައިވެރިވެފައެއްނުވެއެވެ.
މިރޭ 8:30 ގައި ދެއްކުމަށް ހަމަޖެހިފައިވާ މިހުސް އަބްދުއްރަހުމާނުގެ ކެމްޕެއިން އޮފީހާއި އިޔާޒުގެ ކެމްޕެއިންޓީމުން އަދި ސަބްރީގެ ކެމްޕެއިންޓީމުން ބޮޑު ސްކްރީން ބަހައްޓައިގެން ދެއްކުމަށްދަނީ ތައްޔާރީތައް ވަމުންނެވެ.
އަންނަ މަހުގެ ބޭއްވުމަށް ހަމަޖެހިފައިވާ މިއިންތިހާބުގެ ކެންޕެއިން މީދުގައި ފެނިގެންދަނީ ވަރަށް ފޯރި ގަދަކޮންނެވެ
advertisement