މި މަހުގެ 17 ވަނަ ދުވަހު އުފެދޭ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ސަރުކާރުގައި ފެނަކަ ކޯޕަރޭޝަން ލިމިޓެޑްގެ މެނޭޖިންގ ޑިރެކްޓަރަކަށް މަޑަވެލީ ދާއިރާގެ ކުރީގެ މެންބަރު މުޢާޒު މުޙައްމަދު ހަމަޖައްސަން ނިންމައިފިއެވެ.
ފެނަކައިގެ އެމްޑީއަކަށް ޕީޕީއެމްގެ ސެނެޓަރު މުޢާޒު ހަމަޖައްސަން ނިންމިކަން ޕީޕީއެމްގެ ބޭފުޅަކު ބައެއް މީޑިއާތަކަށް މައުލޫމާތު ދެއްވަމުން ވަނީ ކަށަވަރު ކޮށްދެއްވައިފައެވެ.
އަމިއްލަ ގޮތުން ކުރިމަތިލައްވައި މަޑަވެލީ ދާއިރާގެ ގޮނޑި ކާމިޔާބު ކުރެއްވި މުއާޒު ޕީޕީއެމްއާ ގުޅިވަޑައިގެންނެވީ 2015 ގައެވެ. މުއާޒު ވަނީ މިދިޔަ ލޯކަލް ކައުންސިލް އިންތިޚާބުގައި ޕްރޮގްރެސިވް ކޮންގްރެސް ކޯލިޝަންގެ ކެމްޕެއިން މެނޭޖަރުގެ މަގާމު ވެސް ފުރުއްވައިިފައެވެ.