ރަށްޔިތުންގެ މަޖިލިހުގެ މީދޫދާއިރާގެ ގޮޑިއަށް ވާދަކުރައްވަން ނިންމަވާފައިވާކަމަށް މީދޫ ޒުވާން ވިޔަފާރިވެރިޔާ އަލީ ނޫރައްދީން ބުނެފިއެވެ.
އަލީ ނޫރައްދީން ބުނީ މީދޫދާއިރާގެ ގޮޑިއަށް ވާދަކުރަން ނިންމެވީ ދާއިރާގެ ގިނަ ރަށްޔިތުންގެ އެދުމުގެ މަތިންކަމަށާ ވީހާވެސް ގިނަ ބޭފުޅުން ޕްރައިމަރީގައި އޭނާއަށް ވޯޓް ދެއްވާނެކަމަށް އުއްމީދު ކުރައްވާކަމަށެވެ.
އަލީ ނޫރައްދީންއަކީ ފާޅުގައި އެމްޑީޕީގެ ހަރަކާތްތަކުގައި ބައިވެރިނުވިޔަސް އެމްޑީޕީގެ ކަންތައްތަކުގައި އަމަލީގޮތުން ބައިވެރިވަމުން އަންނަ ޕާޓީގެ ލީޑަރ ޝިޕަށް ފުރިހަމަ އެއްބާރުލުމެއް ދެއްވަމުން އަންނަ ބޭފުޅެއްކަން ފާހަކަކޮށްލަންޖެހެއެވެ.
advertisement
އަންނައަހަރު ބާއްވާ މަޖިލިސް އިންތިހާބުގައި އަލީ ނޫރައްދީން ވާދަކުރަން ނިންމަވާފައިވަނީ އެމްޑީޕީގެ ޕްރައިމަރީގައި ވާދަކޮށްގެންނެވެ.
މައުލޫމާތު ލިބިފައިވާ އެ ޕާޓީގެ ޕްރައިމަރީގައި ވާދަ ކުރެއްވުމަށް މިހައިތަނަށް ދެތިން ފަރާތަކުން ވަނީ ޝައުގުވެރިކަން ފާޅުކޮށްފައެވެ
އަލީ ނޫރައްދީން މީދޫދާއިރާގެ މަޖިލިސް މެމްބަރަކަށް ވާދަކުރެއްވުމަށް ނިންމިއިރު މީދޫ ދާއިރާގެ މަޖިލިސް މެމްބަރެއްގެ ގެޮތުގައި މިހާރު ހުންނެވި ރޮޒެއިނާ ކުރިއަށް އޮތްދައުރުގައި މީދޫ ދާއިރާއަށް ވާދަނުކުރެއްވުމަށް ވަނީ ނިންމަވާފައެވެ.