މާލެއިން ފުރައިގެން އައްޑޫސިޓީއަށް ދަތުރުކުރަމުންދިޔަ މުދާ އުފުލާ ބޯޓެއް ފަރަށް އަރައިފިއެވެ.
އައްޑޫސިޓީ ހުޅުދޫ “ނިއުލައިން” ނަމަކަށް ކިޔާ މުދާ އުފުލާ ބޯޓެއް ފަރަށް އަރާފައިވަނީ މިއަދުގެ ފަތިހު 03:30 ހާއިރު ކަމަށް ބޯޓުން ވާހަކަ ދެއްކިމީހަކު މައުލޫމާތު ދީފައިވެއެވެ.
6 މީހުންނާއި އެކު ދަތުރުކުރަމުންދިޔަ މި ބޯޓު ފަރަށް އަރާފައިވަނީ ލ.މާމެންދޫ ކައިރި ސަރަހައްދުގެ ފަރަކަށެވެ.
ބޯޓު ފަރަށް އަރައި އެއް ފަޅިއަށް އަރި އަޅާލާފައިވާއިރު ބޯޓުން 3 ފޫޓަށްވުރެ ބޮޑުތަކެއް ފަޅައިގެން ގޮސް ބޯޓަށް ލޮނުއަރާ ބޯޓުގައި ހުރި ގިނައަދަދެއްގެ މުދަލަށް ބޮޑެތި ގެއްލުމެއް ލިބިފައިވާކަމަށްވެސް މައުލޫމާތު ލިބިފައިވެއެވެ.
ބޯޓު ފަރަށް އެރުމާއި ގުޅިގެން ކަމާބެހޭ ފަރާތްތަކުގެ އެހީތެރިކަން ހޯދުމަށް މިހާރު ބޯޓުގެ ފަރާތުންވަނީ އެދިފައެވެ.
ބޯޓުފަރަށް އަރާ ބޯޓަށް ގެއްލުންތަކެއް ލިބުނުކަމުގައިވިޔަސް ބޯޓުން ދަތުރުކުރި އެއްވެސް މީހަކަށް ގެއްލުމެއް ލިބިފައިނުވާކަމަށްވެސް މައުލޫމާތު ލިބިފައިވެއެވެ.