މީދޫ ” މާމިސްކިތް ” ބޮޑު މަރާމާތަކަށްފަހު ބުރާސްފަތި ދުވަހު އަލުން ހުޅުވައިފިއެވެ.
މާމިސްކިތް މަރާމާތުކުރުމަށް މީދޫ އަވަށު އޮފީހުން އެމިސްކިތް ބަންދުކޮށްފައިވަނީ 22 މެއި 2022 ވަނަދުވައެވެ.
މިސްކިތް ހުޅުވާފައިވަނީ ބުރާސްފަތި ދުވަހުގެ އަސްރުނަމާދަށެވެ. އަސްރު ނަމާދު އިމާމުވެކޮށްދެއްވާފައިވަނީ މީދޫ ޝޭޑީ އަންވަރުއެވެ.
މާމިސްކިތް މާރާމާތު ކުރުމަށްޓަކައި ދެމަހާއި ތޭރަ ދުވަސްވަންދެން މިސްކިތް ބަންދުކޮށްގެން ކޮށްފައިވާ މަސައްކަތްތަކުގެތެރޭގައި މިސްކިތުގެ ދޮރުތައް ބަދަލުކުރުމާއި މިސްކިތުގެ މުށިތައް ބަދަލުކުރުމުގެ އިތުރަށް މިސްކިތް ސީލިންކޮށް އެއަރ ކޯންކުރުން ހިމެނެއެވެ. އަދި މިހުރާބުގެއަށް ބަދަލުގެނެސް ކުރީ ސަފު މެދު ނުކެޑޭ ގޮތައް މިންބަރު ބަހައްޓާނެ އިތުރު ތަނެއް ވަނީ ހަދާފައެވެ.
މައުލޫމާތު ލިބިފައިވަނީ މިމިސްކިތް މަރާމާތުކުރުމަށް ޚަރަދުކޮށްފައިވަނީ ޒަކާތު ފަންޑުން މިސްކިތް މަރާމާތު ކުރުމަށް ކަނޑައެޅިފައިސާއާއި އެކިފަރާތްތަކުގެ ދީލަތި އެހީގައި ދެއްވި ފައިސާ ބޭނުންކޮށްގެންނެވެ.