މޯލްޑިވްސް ނެޝަނަލް ޕާޓީ (އެމްއެންޕީ) ގެ ތަރުޖަމާން އަސްރާ އަހުމަދު އެ މަގާމުން އިސްތިއުފާ ދެއްވައިފި އެވެ.
އަސްރާ ވިދާޅުވީ އެމްއެންޕީގެ ތަރުޖަމާންގެ މަގާމުން އިސްތިއުފާ ދެއްވާފައި ވަނީ މިވަގުތު ރާއްޖޭގައި ހުންނެވެން ނެތުމުން ކަމަށެވެ. ކިޔެވުމަށް ކުރިއަށް އޮތް އަހަރުތަކުގައި އަސްރާ ދިރިއުޅުއްވާނީ ރާއްޖެއިން ބޭރުގައެވެ.
އިތުބާރު ކުރައްވާ އެފަދަ މަގާމެއް އޭނާއަށް ހަވާލުކުރެެއްވީތީ އެމްއެންޕީގެ ރައީސް މުހައްމަދު ނާޒިމްއަށް އަސްރާ ވަނީ ޝުކުރު އަދާ ކުރައްވާފައެވެ. އަސްރާ ވިދާޅުވީ އެމްއެންޕީގައި ހޭދަ ކުރެވުނު މުއްދަތުގައި ކުރެވުނީ ވަރަށް މުހިންމު ތަޖުރިބާއެއް ކަމަށެވެ.