ހުޅުދޫ ބާއްވާ ” މިނިވަންކަޕް 2022 ޔޫތު ޗެލެންޖް ” ފުޓްސަލް މުބާރާތުގެ ކުޅުން މިއަދު ހަވީރު ފަހެއްޖަހާއިރު ފެށުމަށް ވަނީ ހަމަޖެހިފައެވެ.
މިމުބާރާތް ފެށުމުގެ ގޮތުން މިއަދު ހަވީރު ކުޅެވޭ މެޗްގައި ބައްދަލުކުރުމަށް ހަމަޖެހިފައިވަނީ މީދޫ ކްލަބް ލޮތަރި އާއި ފޭދޫ ފާހި ސްޕޯޓްސް ކްލަބް ބައްދަލުކޮށްކުޅެވޭ މެޗެވެ.
ވީމާ އަދު ހަވީރު ކުޅެވޭ މިމެޗްގައި ވާދަކުރާ މީދޫ ކްލަބް ލޮތަރީގެ ޓީމަށް ހިތްވަރުދީ ސަޕޯޓް ކޮށްދިނުމަށް މީދޫގެ ވީހާވެސް ގިނަ ފަރާތްތަކަކުން ވަޑައިގެން ދެއްވުމަކީ މިމެޗްގައި މީދޫ ތަމްސީލްކުރާ ކްލަބް ލޮތަރީގެ ވަރަށް ބޮޑު އެދުމެކެވެ.
ހުޅުދޫ އެޗްއެސްސީން އިންތިޒާމް ކޮށްގެން ބާއްވާ މިމުބާރާތް ކޮވިޑް 19 އާއި ގުޅިގެން ދެއަހަރުގެ މެދުކެޑުމަކަށްފަހު މިއަހަރު ކުރިއަށް ގެންދިއުމަށް ހަމަޖެހިފައިވަނީ 23 އަހަރުން ދަށުގެ ޒުވާނުންނަށް ހާއްސަކޮށްގެންނެވެ.
މިމުބާރާތުގެ މެޗްތައް މިފަހަރު ކުރިއަށް ގެންދިއުމަށް ހަމަޖެހިފައިވަނީ ހުޅުދޫ ޓާފް ދަނޑުގައެވެ. އަދި މުބާރާތުގެ މެޗްތައް ކުޅުމަށް ހަމަޖެހިފައިވަނީ ހަވީރުއެވެ.