މިއަދު ހެނދުނު ކ. ގުޅިފަޅު ކައިރިއަށް ބޯވަ ހިފަން ގޮސްގެން އުޅެނިކޮށް ގެއްލިފައިވާ މީހާ ހޯދުމުގެ މަސައްކަތް މިހާރުވެސް ކުރަމުންދާ ކަމަށް މޯލްޑިވްސް ނޭޝަނަލް ޑިފެންސް ފޯސްގެ ކޯސްޓްގާޑުން ބުނެފިއެވެ.
ކޯސްޓްގާޑުން ބުނެފައިވަނީ ގެއްލިގެން ހޯދަމުންދަނީ ހދ. ކުމުންދޫ އަރާއިރުގޭ ޝްރޭހް ހަސަން ނަމަކަށްކިޔާ 21 އަހަރުގެ ޒުވާނެއް ކަމަށެވެ.
މިހާދިސާގެ މައުލޫމާތު އެމްއެންޑީއެފް ކޯސްޓްގާޑް މެރިޓައިމް ރެސްކިޔު ކޯޑިނޭޝަން ސެންޓަރ (އެމްއާރުސީސީ) އަށް ލިބިފައިވަނީ މިއަދު 8:58 ހާއިރު ކަމަށް އެމްއެންޑީއެފް އިން ބުނެފައިވެއެވެ.
ގެއްލިގެން އުޅޭ ޒުވާނާ އެންމެ ފަހުން ލައިގެންހުރީ އަޅިކުލައިގެ ޓީޝާޓަކާއި ކަޅުކުލައިގެ ސޯޓެއްކަމަށް އެމްއެންޑީއެފުން މައުލޫމާތު ދެއެވެ.