އައްޑޫ ސިޓީން އިތުރު 10 މީހަކު ކޮވިޑަށް ޕޮޒިޓިވްވެއްޖެވެ.
އައްޑޫ ހޮސްޕިޓަލުން ހާމަކޮށްފައިވާގޮތުގައި އާދީއްތަ ދުވަހުގެ އިރުއޮއްސި ހަޔަކުން ހޯމަ ދުވަހުގެ އިރުއޮއްސި ހަޔަކަށް އައްޑޫސިޓީން ކޮވިޑް 19 އަށް ޓެސްޓް ކުރުމަށް ނެގުނު ސާމްޕަލްތަކުގެ ތެރެއިން ޕޮޒިޓިވްވި 10 މީހުންގެ ތެރޭގައި ހިމެނެނީ 9 ދިވެހީންނާއި 1 ބިދޭސީއެކެވެ.
އައްޑޫސިޓީން އަލަށް ޕޮޒިޓިވްވި މީހުންގެ ތެރޭގައި ހިމެނެނީ ހިތަދުން ޕޮޒިޓިޓވްވި 8 މީހަކާއި ފޭދުން ޕޮޒިޓިވްވި މީހަކާއި ޝަންގްރިއްލާ ޕޮޒިޓިވްވި މީހެކެވެ.
އައްޑޫސިޓީން ކޮވިޑްޖެހުނު މީހުންގެ ތެރެއިން އާދީއްތަ ދުވަހުގެ އިރުއޮއްސި ހަޔަކުން ހޯމަ ދުވަހުގެ އިރުއޮއްސި ހަޔަކާއި ހަމައަށް 17 މީހަކު ބަލިން ފަސޭހަވެގެން ދޫކޮށްލާފައިވާކަމަށްވެސް އައްޑޫ ހޮސްޕިޓަލުން ހާމަކޮށްފައިވެއެވެ.
އައްޑޫސިޓީން އަލަށް ޕޮޒިޓިވްވި 10 މީހުންނާއެކު އައްޑޫސިޓީގެ އެކްޓިވް ކޭސްގެ މިހާރުގެ އަދަދަކީ 239 އެވެ. އެއީ ހިތަދޫގައި ތިބި 168މީހަކާއި މަރަދޫގައި ތިބި 14 މީހަކާއި މަރަދޫފޭދޫގައި ތިބި 18 މީހަކާއި ފޭދޫގައި ތިބި 36 މީހަކާއި ހުޅުދޫގައި ތިބި 2 މީހުންގެ އިތުރަށް ޝަންގްރިއްލާއިން 1 މީހުންނެވެ.
އައްޑޫއިން މިހާތަނަށް ކޮވިޑް-19 އަށް ޓެސްޓްކުޓުމަށް ނެގުނު ސާމްޕަލްތަކުގެ ތެރެއިން ޕޮޒިޓިވްވެފައިވަނީ 1783 މީކެވެ. އަދި އޭގެތެރެއިން މިހާތަނަށް ބަލިން ފަސޭހަވެގެން 1540 މީހަކު ވަނީ ދޫކޮށްލެވިފައެވެ.