އދ.ދަނގެތީގައި މަރާލައިފައި އޮއްވާ ފެނުނު މަޙްމޫދު އަބޫބަކުުރު (57 އ) ގެ ހަށިގަނޑުގެ ޓެސްޓުތަކެއް ހެދުމަށް މާލެ ގެންގޮސްފިއެވެ.
ބުދަ ދުވަހުގެރޭ ( މި މަހުގެ 13 ވަނަ ދުވަހުގެ ރޭ ) އިން ފެށިގެންމަޙްމޫދު ނުފެނިގެން ހޯދަމުން ދަނިކޮށް މަރާލައިފައި އޮއްވާ މަހުމޫދު ފެނުނީ އިއްޔެގެ މެންދުރުފަހުގެ ވަގުތެއްގައެވެ.
މަޙްމޫދުގެ ހަށިގަނޑު ފެނުނީ ފަޅު ގޯއްޗެއްގެތެރޭގައި ހުރި ވަޅަކަށް ބޯކޮޅު ވަތަށް ވަޅަށް ވައްޓައިލާފައި ވަނިކޮށެވެ. މަޙްމޫދުގެ ހަށިގަނޑު ފެނުނުއިރު އޮތީ މަހުމޫދުގެ ހަށިގަޑުގެ ދެ ކޮޅުން ދެ ގޯނި ލައްވައި ގޮށްޖަހާފައެވެ.
މަޙްމޫދުގެ މަރުގެ މައްސަލައިގައި ދަނގެތީ ރައްޔިތުން ދެ މީހަކަށް ތުހުމަތު ކުރެއެވެ. މަޙްމޫދު މަރައިލިކަމަށް ތުހުމަތުކުރެވޭ މިދެ މީހުން އެރަށުގެ ރަށްޔިތުން ނިކުމެ ހައްޔަރުކޮށް އިއްޔެވަނީ ފުލުހުންނާއި ހަވާްލްކޮށްފައެވެ.
މަސްތުވާތަކެއްޗާއި، ވައްކަމުގެ ކުށުގެ ރެކޯޑު އޮންނަ އެ ދެ މީހުން އަދިވެސް ތިބީ ފުލުހުންގެ ބެލުމުގެ ދަށުގައެވެ.
މަހުމޫދޫގެ މަރުގެ މައްސަލަ ތަހުގީގު ކުރުމަށް ފުލުހުންގެ ސީރިއަސް އެންޑް އޯގަނައިޒްޑް ކްރައިމްސް ޑިޕާޓްމެންޓުގެ ހާއްސަ ޓީމެއް މިހާރު ދަނީ ދަގެތީގައި ހަރަކާތްތެރި ވަމުންނެވެ.