އައްޑޫ ސިޓީން އިތުރު 23 މީހަކު ކޮވިޑް-19 އަށް ޕޮޒިޓިވް ވެއްޖެ

އައްޑޫ ސިޓީން އިތުރު 23 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.

 އައްޑޫ އެކުއެޓޯރިއަލް ހޮސްޕިޓަލާ (އޭއީއެޗު) އިން ހާމަކޮށްފައިވާގޮތުން ބުދަ ދުވަހުގެ އިރުއޮއްސި ހަޔަކުން ބުރާސްފަތި ދުވަހުގެ އިރުއޮއްސި ހަޔަކަށް އައްޑޫސިޓީން އިތުރު 23 މީހަކު ކޮވިޑް 19 އަށް ވަނީ ޕޮޒިޓިވްވެފައެވެ

މީގެ ތެރޭގައި ހިމެނެނީ  16 ދިވެހީންނާއި 7 ބިދޭސީންނެވެ. އެއީ ހިތަދޫ ފްލޫ ކްލިނިކަށް ދެއްކި 3 މީހުންނާއި ޑައިރެކްޓް ކޮންޓެކްވި 4 މީހުންނާއި މަރަދޫއިން ފްލޫ ކްލިނިކަށް ދެއްކި 3 މީހުން އަދި ޑައިރެކްޓް ކޮންޓެކްޓް ވި 3 މީހުން ނެވެ.

މީގެ އިތުރުން މަރަދޫފޭދޫ އިން ފްލޫ ކްލިނިކަށް ދެއްކި މީހަކާއި ރެންޑަމް ސާމްޕަލުން ޕޮޒިޓިވް ވި މީހަކާއި ފޭދޫއިން ޑައިރެކްޓް ކޮންޓެކްޓުގެ ގޮތުގައި 8 މީހުން ވަނީ ޕޮޒިޓިވް ވެފަ އެވެ.

އައްޑޫ ހޮސްޕިޓަލުން ހާމަކޮށްފައިވާގޮތުން އައްޑޫއިން ކޮވިޑަށް މިހާތަނަށް ޕޮޒިޓިވްވި 1476 މީހުންގެ ތެރެއިން  1227 މީހަކު ވަނީ ބަލިން ފަސޭހަވެފައެވެ.

އައްޑޫގެ ރަށްރަށުގެ  ތެރެއިން އެންމެ ގިނަ އަދަދަކަށް ކޮވިޑްގެ އެކްޓިވް މިހާރު  އުޅެނީ ފޭދޫގައެވެ . އެގޮތުން ފޭދޫގައި  ކޮވިޑްގެ 131 ކޭސް އުޅޭއިރު، ހިތަދޫގައި 73 ކޭސް، މަރަދޫގައި 28 ކޭސް، މަރަދޫފޭދޫގައި 14 ކޭސް އުޅޭ ކަމަށް އައްޑޫ ހޮސްޕިޓަލުން ހާމަކޮށްފައިވެއެވެ.

އައްޑޫސިޓީގެ ގުޅިފައިވާ ރަށްތަކާއި ވަކިން އޮންނަ ހުޅުދޫއާއި މީދޫގައި މިވަގުތު ކޮވިޑަށް ޕޮޒިޓިވްވެފައިވާ މީހަކުނެތެވެ. އެހެންނަމަވެސް ހުޅުދޫއާއި މީދޫ އަދިވެސް ވަނީ މޮނިޓަރިންގެ ހާލަތުގައެވެ. އަދި މީގެ އިތުރަށް ރޭގަޑު 9:00 އިން ފަތިހު 4:00 އަށް މިދެރަށުގައި ވަނީ ކާފިއު ހިންގާފައެވެ.

އައްޑޫ ސިޓީގެ ގުޅިފައިވާ ރަށްރަށުން އިއްޔެވެސް 26 މީހަކު ކޮވިޑަށް ޕޮޒިޓިވްވެފައިވެއެވެ. އެހެންކަމަށްވުމާއިއެކު އެރަށްރަށަށް ދަތުރު ކުރާ ފަރާތްތަކުން ކޮވިޑުން ރައްކާތެރިވުމަށްޓަކައި އަޅަންޖެހޭ ފިޔަވަޅުތައް އަޅުއްވައިގެން ދަތުރުތައް ކުރެއްވުމަކީ ކަމާބެހޭފަރާތްތަކުން އަބަދުވެސް އިއުތިމާސްކުރަމުންދާކަމެކެވެ.