އައްޑޫ ސިޓީން އިތުރު 12 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
އައްޑޫ އެކުއެޓޯރިއަލް ހޮސްޕިޓަލާ (އޭއީއެޗު) އިން ހާމަކޮށްފައިވާގޮތުން ބުދަދުވަހުގެ އިރުއޮއްސި ހަޔަކުން ބުރާސްފަތި ދުވަހުގެ އިރުއޮއްސި ހަޔަކަށް އައްޑޫސިޓީން ކޮވިޑް ޓެސްޓް ކުރުމަށް ނެގުނު 163 ސާމްޕަލްގެ ތެރެއިން އަލަށް ޕޮޒިޓިވްވި 12 މީހުންނަކީ ވެސް ދިވެހީންނެވެ
މީގެ ތެރެއިން ހިތަދޫން ޕޮޒިޓިވް ވެފައިވަނީ 3 މީހެކެވެ. މަރަދޫއިން ޕޮޒިޓިވްވެފައިވަނީ ދެ މީހެކެވެ. އަދި ފޭދޫއިން ޕޮޒިޓިވްވެފައިވަނީ 7 މީހެކެވެ.
އައްޑޫ ހޮސްޕިޓަލުން ހާމަކޮށްފައިވާގޮތުން އައްޑޫއިން ކޮވިޑަށް މިހާތަނަށް ޕޮޒިޓިވް ވެފައިވަނީ ޖުމްލަ 1348 މީހުންނެވެ. އޭގެތެރެއިން 1116 މީހަކު ވަނީ ބަލިން ފަސޭހަވެފައެވެ. ފާއިތުވު 24 ގަޑިއިރުތެރޭ ބަލިން ފަސޭހަވެގެން ދޫކޮށްލާފައިވަނީ 32 މީހެކެވެ.
އައްޑޫގެ ރަށްރަށުގެ ތެރެއިން އެންމެ ގިނަ އަދަދަކަށް ކޮވިޑްގެ އެކްޓިވް މިހާރު އުޅެނީ ފޭދޫގައެވެ . އެގޮތުން ފޭދޫގައި ކޮވިޑްގެ 91 ކޭސް އުޅޭއިރު، ހިތަދޫގައި 48 ކޭސް، މަރަދޫގައި 83 ކޭސް، މަރަދޫފޭދޫގައި 04 ކޭސް އަދި ހުޅުދޫގައި 1 ކޭސް އަދި މީދޫގައި 1 ކޭސް އުޅޭ ކަމަށް އައްޑޫ ހޮސްޕިޓަލުން ހާމަކޮށްފައިވެއެވެ.