ނ. މާފަރު އިންޓަނޭޝަނަލް އެއާޕޯޓުން އިންޑިއާގެ ނިއު ދިއްލީއަށް ސީދާ ދަތުރުތައް ފަށަން ނިންމައިފި އެވެ.
މާފަރު އެއާޕޯޓް ހިންގާ، މޯލްޑިވިއަނުން ބުނީ މާފަރުން ދިއްލީ ދަތުރުތައް ފަށާނީ އަންނަ މަހު 21 ދުވަހު ކަމަށެވެ.
އަދި ކޮންމެ ހަފުތާއެއްގެ އަންގާރަ، ބުރާސްފަތި އަދި ހޮނިހިރު ދުވަހު މާފަރުން ދިއްލީއަށް އަދި ބުދަ، ހުކުރު އަދި އާދީއްތަ ދުވަހު ދިއްލީން މާފަރަށް ފްލައިޓް ދަތުރުތައް އޮންނާނެ ކަމަށް ބުންޏެވެ.
މާފަރުން ދިއްލީއަށް ދެކޮޅު ޓިކެޓު ފެށޭ އަގަކީ 285 ޑޮލަރެވެ. ދިއްލީން މާފަރަށް ދެކޮޅު ޓިކެޓުގެ އަގަކީ 312 ޑޮލަރެވެ.
މިދަތުރަކީ ކޮވިޑަށްފަހު މޯލްޑިވިއަނުން ފަށާ ފުރަތަމަ ބައިނަލްއަގުވާމީ އާ ރޫޓެވެ. މީގެ ކުރިން މުމްބާއީން މާފަރަށްވެސް މޯލްޑިވިއަން އިން ދަތުރުތައް ފަށަން ނިންމި އެވެ.