ކޮންމެހެން ކުރަންޖެހޭ މަސައްކަތެއް ކުރުމަށް މިއަދު ހުޅުދޫއާއި މީދުން ކަރަންޓް ކަނޑާލާނެ ކަން ފެނަކަ-ހުޅުމީދޫ ބްރާންޗުން އަންގައިފިއެވެ.
ފެނަކަ-ހުޅުމީދޫ ބްރާންޗް ގޭގެއަށް ފޮނުވާ ނޯޓެއްގައި ބުނެފައިވަނީ ކޮންމެހެން ކުރަންޖެހޭ މަސައްކަތެއް ކުރުމަށްޓަކައި 18 ސެޕްޓެމްބަރ 2021 ވާ ހޮނިހިރު ދުވަހުގެ ހެނދުނު 10:00 އިން ފެށިގެން މަސައްކަތް ނިމެންދެން ކަރަންޓްގެ ޚިދުމަތް މެދުކެނޑޭނެވާހަކައެވެ.
މައުލޫމާތު ލިބިފައިވާގޮތުގައި ކަރަންޓްގެ ޚިދުމަތް މެދުކެނޑުމަށް ހަމަޖެހިފައިވަނީ އެ އިންޖީނުގޭގައި ކުރީން ބޭނުންކުރަމުންއައި ޓްރާންފޯމަރެއް ބަދަލުކޮށް އައު ޓްރާސްފޯމަރެއް ގުޅުމުގެ މަސައްކަތް ކުރުމަށެވެ. ހުޅުމީދޫ އިންޖީނުގެން ދެމުންދާ ކަރަންޓްގެ ޚިދުމަތް ރަގަޅު ކުރުމަށްޓަކައި ވޭތުވެދިޔަ 2 އަހަރުގެތެރޭގައި 800 ކިލޯވޮޓްގެ 3 ޖަނަރޭޓަރު އެތަނަށްވަނީ ގެނެސްފައެވެ. އަދި ހުޅުމީދުއަށް ދެމުންދާ ކަރަންޓް ޚިދުމަތް ރަގަޅު ކުރުމަށްޓަކައި ބޭނުންވާ އެހެންކަންތައްތަވެސް ހައްލުކުރުމަށް މެދުކެނޑުމެއްނެތި މަސައްކަތްކުރަމުންދާކަމުގެ މައުލޫމާތު ލިބިފައެވެ.