ވާރޭ ވެހޭ ކޮންމެ ފަހަރަކު މީދޫ މަޖުދުއްދީން މަގުގައި ފެންބޮޑުވެ، ފެން ނުހިނދި ދިގުލައިގެންދާތީ އެކަމުގެ އުދަގޭ އެމަގުގެ ދެފަރާތުގައި އުޅެމުންދާމީހުންނާއި އެމަގުގެ ބޭނުން ކުރަމުންދާ މީހުންދަނީ ކުރަމުންނެވެ.
އަދި ވާރޭ ވެހުން ހުއްޓި 10 ވަރަކަށް ދުވަސް ވެގެންދާއިރުވެސް މިމަގުގައި ހެދިފައި އޮންނަ ފެންގަޑު ނުހިންދި އޮންނަކަން ފާހަގަކޮށްލަންޖެހެއެވެ.
ބޮޑެތި ވަޅުގަޑުތައް ހެދިފައިވާ މިމަހުގައި އޮންނަ ފެންގަޑުގެ ތެރެއިން ބޮޑެތި ވެހިކަލްތައް ދުއްވުމުން މިމަގުގެ ދެފަރާތުގައި ހުންނަ ގޯތިތަކުގެ ތެރެއަށް ފެންވަދެ އާއްމު ދިރި އުޅުމަށް ބޮޑެތި ދަތިތަކެއް ކުރިމަތިވަމުންދެއެވެ. މިމަގުގެ ދަފަރާތުގައި އުޅެމުންދާ މީހުންނާއި މިމަގުގެ ބޭނުންހިފާ މީހުންގެ އުއްމީދަކީ ރަށުގެ އިސްފަރާތްތަކާއި މުވައްސަސާތައް ގުޅިގެން މިމަގުގައި ހެދޭ ފެން ކޮންމެވެސް ގޮތަކަށް ކައިރީގައި އޮތް ކުޅިއަށް ފޮނުވާލެވޭނެ ގޮތެއް އަވަސް ފުރުސަތެއްގައި ހައްދަވައި ދެއްވުމެވެ.