އައްޑޫ ފިޝަރީޒް ކޮމްޕްލެކްސްގެ ބްރައިން ޓޭންކު މަރާމާތު ކުރުމުގެ މަސައްކަތެއް ކުރެވެމުންދާތީ، ބޮޑެތި ދޯނި ފަހަރުތަކުން މަސް ކިރުވުމަށް ކޫއްޑޫއަށް ދިޔުމަށް މިފްކޯއިން އެދިއްޖެއެވެ.
މިދުވަސްކޮޅަކީ އައްޑޫ ކައިރިއަށް މަސްވެރިކަން ރަނގަޅު ދުވަސްވަރެކެވެ. އެހެންކަމުން މަސް ކިރުވުމަށް އައްޑޫ ފިޝަރީޒް ކޮމްޕްލެކްސް އަށް ބާރުބޮޑުވަމުން ދާކަމަށް މިފްކޯއިން ބުނެއެވެ.
މިފްކޯއިން ބުނީ އައްޑޫ ފިޝަރީޒް ކޮމްޕްލެކްސްގެ ބްރައިން ޓެންކް މަރާމާތު ކުރުމުގެ މަސައްކަތް ކުރަމުންދާތީ، އެ ސެންޓަރުން މިހާރު ދުވާލެއްގެ މައްޗަށް އެންމެ ގިނަވެގެން ނެގޭނީ 40 މެޓްރިކްޓަނުގެ މަސް ކަމަށެވެ.
މީގެ އިތުރުން މިފްކޯގެ ބޯޓު ފަހަރުގެ މުވައްޒަފުންވެސް ކަރަންޓީނުގައި ތިބުމުން، ގިނަަ އަދަދަކަށް މަސް ބާނައިގެން އަންނަ ބޮޑެތި ދޯނި ފަހަރުތައް މަސް ކިރުވުމަށް ކޫއްޑޫއަށް އައުމަށް މިފްކޯއިންވަނީ އެދިފައެވެ.
މަސްދަރު: މަސްވެރިންއެމްވީ