“ޕްރޮފެޝަނަލް ރައިޓާސް އެސޯސިސޭޝަން” އިން ހޮވި އެންމެ ފަހުން ނިމުނު އިގްލިޝް ޕްރިމިއަރ ލީގުގެ މޮޅު ކުޅުންތެރިޔާގެ މަގާމް މެންޗެސްޓަރ ސިޓީއަށް ކުޅެމުން އަންނަ ޕޯޗުގަލްގެ ޒުވާން ޑިފެންޑަރު ރުބެން ޑިއަސް ލިބިއްޖެވެ.
ރުބެން ޑިއަސް އަށް ޕްރިމިއާލީގުގެ އެންމެ މޮޅު ކުޅުންތެރިޔާގެ މަގާމް ލިބުނީ މިމަގާމަށް އޭނައާއި އެންމެ ގާތުން ވާދަކުރު މެންޗެސްޓަރ ސިޓީގެ ކެވިން ޑްބްރޭނާ ،ފިލް ފޯޑެން، އީކަރ ގުންޑޮގަން، މެންޗެސްޓަރ ޔުނައިޓެޑާއި ޕޯޗުގަލްގެ މިޑްފީލްޑަރު ބްރޫނޯ ފެނާންޑޭޒް އަދި ޓޮޓެންހަމްގެ ކެޕްޓަން ހެރީ ކޭންއާއި ވާދަކޮށް ކުރި ހޯދައިގެންނެވެ. މިދިޔަ ސީޒަނުގައި ޕްރިމިއަރ ލީގުގެ ޗެމްޕިއަންކަން ހޯދިއިރު ސިޓީގެ ޑިފެންސްއަށް ކުޅުނު އުމުރުން 24 އަހަރުގެ ޑިއަސްއަށް ޕްރިމިއާލީގުގެ މޮޅު ކުޅުންތެރިޔާގެ މަގާމް ލިބުނުއިރު ސިޓީއަށް އޭނާ ކުޅުނު 32 މެޗްގެ ތެރެއިން 23 މެޗުން އެޓީމް ވަނީ މޮޅުވެފައެވެ.