އައްޑޫ ސިޓީން ކޮވިޑް-19 އަށް ޕޮޒިޓިވްވެ ހޮސްޕިޓަލްގައި ފަރުވާދެމުންދިޔަ މީހަކު ނިޔާވެއްޖެއެވެ.
މައުލޫމާތު ލިބިފައިވާ ގޮތުގައި އައްުއަތޮޅުން މިރޭ 10:15 ހާއިރު ނިޔާވެފައިވަނީ، އައްޑޫ އިކުއިޓޯރިއަލް ހޮސްޕިޓަލްގެ ވެންޓިލޭޓަރުގައި ފަރުވާދެމުންދިޔަ އުމުރުން 83 އަހަރުގެ ހިތަދުއަށް އަށް ނިސްބަތްވާ ފިރިހެނެކެވެ.
މިއީ ކޮވިޑް 19 ފަރުވާ ހޯދަމުން ދަނިކޮށް އައްޑޫސިޓީން ނިޔާވި ފުރަތަމަ މީހާ އެވެ. އަދި މިއީ މިއަދު ރާއްޖެއިން މި ބަލީގައި ނިޔާވި 11 ވަނަ މީހާއެވެ
. މި 11 މީހުންނާއެކު ރާއްޖެއިން މި ބަލީގައި ނިޔާވި މީހުންގެ ޖުމްލަ އަދަދު މިހާރު ވަނީ 140 އަށް އަރާފައެވެ
އައްޑޫން ފާއިތުވި 24 ގަޑިއިރުގެ ތެރޭގައި 17 މީހަކު ކޮވިޑަށް ޕޮޒިޓިވް ވެފައިވާއިރު، އެކްޓިވް ކޭސްތަކުގެ ގޮތުގައި ހިމެނެނީ 176 ފަރާތެކެވެ. އަދި އައްޑޫސިޓީން މި ބައްޔަށް ޕޮޒިޓިވްވި މީހުންގެ ތެރެއިން 47 މީހަކު މިހާރު ވަނީ ބަލިން ރަނގަޅުވެފައެވެ.