ހުޅުދޫއާއި މީދުން އިއްޔެ ނެގި އެއްވެސް ސާމްޕަލެއް ޕޮޒިޓިވްވެފައިނުވާކަމަށް ހުޅުމީދޫ ސިއްހީމަރުކަޒުން މައުލޫމާތުދީފިއެވެ. ސިއްހީމަރުކަޒުން މައުލޫމާތު ދިން ގޮތުގައި ހުޅުދޫއާއި މީދުން ނެގި ސާމްޕަލްތައް ޕޮޒިޓިވް ވެފައިނުވިޔަސް އިއްޔެ ސައުތު ޕާމް ރެސޯޓުން ނެގި ސާމްޕަލްތަކުގެތެރެއިން 1 ސާމްޕަލް ޕޮޒިޓިވްވެފައިވާކަމަށެވެ.
” އިއްޔެ ހުޅުދޫއާއި މީދުންނެގި އެއްވެސް ސާމްޕަލެއް ޕޮޒިޓިވްވެފައިނުވޭ ، އެހެންނަމަވެސް ސައުތު ޕާމްރެސޯޓުން ނެގި ސާމްޕަލްތަކުގެ ތެރެއިން 1 ސާމްޕަލް ޕޮޒިޓިވްވި ، ހުޅުދޫއާއި މީދުން އިއްޔެނެގި ސާމްޕަލްތަކުގެ ތެރެއިން ސާމްޕަލެއް ޕޮޒިޓިވް ވެފައިނުވިޔަސް އަދި ނަތީޖާ ނުލިބޭ 34 ސާމްޕަލެއް އެބެވޭ ، އެއީ މިމަހުގެ 21 ވަނަ ދުވަހު ނެގުނު ރެމްޑަމް ސާމްޕަލްތައް ” ސިއްހީމަރުކަޒުގެ ޕަބްލިކް ހެލްތު ސެކްޝަނުން މައުލޫމާތު ދެއްވިއެވެ.
ހުޅުދޫއާއި މީދުން ކޮވިޑް 19 ބަލި ޖެހުނު 74 މީހުންގެ ތެރެއިން 27 މީހަކު ބަލިން ރަގަޅުވެގެން ދޫކޮށްލާފައިވާކަމަށް ހުޅުމީދޫ ސިއްހީމަރުކަޒުން މިމަހުގެ 21 ވަނަ ދުވަހު ދެއްވި މައުލޫމާތުގައި ހާމަކޮށްފައިވެއެވެ.