ހުޅުދުންނެގުނު ރެމްޑަމް ސާމްޕަލްތަކުގެ ތެރެއިން 2 މީހެއްގެ ސާމްޕަލް ކޮވިޑް 19 އަށް ޕޮޒިޓިވްވެއްޖެވެ.
ސިއްހީމަރުކަޒު ހިންގުމާ ހަވާލްވެ ހުންނެވި އިބްރާހިމް ޒުބައިރު އިތުރަށް ވިދާޅުވީ ކޮވިޑް-19 ރަށުގައި ފެތުރިފައިވޭތޯ ބެލުމަށް 21 މެއި 2021 ވަނަ ދުވަހު ނެގުނު ރެމްޑަމް ސާމްޕަލްގެ ތެރެއިން މިހާތަނަށް ނަތީޖާ ލިބުނު ފަރާތްތަކުގެ ތެރެއިން 2 މީހަކުވަނީ ކޮވިޑް-19 އަށް ޕޮޒިޓިވްވެފައި ކަމަށާއި ރެމްޑަމް ސާމްޕަލް ނަގާފައިވަނީ އާއްމުންންނާ ގިނައިން ބައްދަލުވެ އުޅޭ މީހުންގެފަރާތުން ކަމަށްވާތީ، ހުޅުދޫމީދޫގައި ކޮމިއުނިޓީ ސްޕްރެޑެއް’ އޮތުމުގެ ފުރުސަތު ބޮޑުކަމަށް ބެލެވޭ ކަމަށެވެ
މައުލޫމާތު ލިބިފައިވާގޮތުގައި ޕޮޒިޓިވްވި މިދެމީހުންނަކީ ރެސްޓޯރެންޓެއްގައި މަސައްކަތްކުރަމުންއަންނަ ބަގްލާދޭޝްގެ ދެމީހުންކަމަށެވެ. އެހެންކަމުން މިދެމީހުންނާއި ގިނަބަޔަކު ކޮންޓެކްޓް ވެފައި ތިބުމަކީ އެކަށީގެންވާކަމެކެވެ.
މިދެމީހުން ޕޮޒިޓިވްވުމާ ގުޅިގެން އެދެމީހުންގެ ކޮންޓެކްޓްރޭސިން ހެދުމުގެ މަސައްކަތް ސިއްހީމަރުކަޒުން މިހާރު ކުރަމުންދާކަމަށްވެސް އިބްރާހިމް ޒުބައިރުވަނީ ވިދާޅުވެފައެވެ.